توقاەۆتىڭ جاڭا كەڭەسشىسى تاعايىندالدى

بۇل تۋرالى اقوردانىڭ ءباسپاسوز قىزمەتى ءمالىم ەتتى.

مەملەكەت باسشىسىنىڭ وكىمىمەن قۋانىشبەك باقىتبەك ۇلى ەسەكەەۆ قازاقستان رەسپۋبليكاسى پرەزيدەنتىنىڭ كەڭەسشىسى لاۋازىمىنا تاعايىندالدى, – دەلىنگەن حابارلامادا.

قۋانىشبەك ەسەكەەۆ 1975 جىلى 10 ماۋسىمدا الماتى قالاسىندا دۇنيەگە كەلگەن.

1995 جىلى ءال-فارابي اتىنداعى قازاق مەملەكەتتىك ۋنيۆەرسيتەتىنىڭ قولدانبالى ماتەماتيكا ماماندىعى بويىنشا ءبىتىردى.

2001 – 2002 جىلدارى قازاق مەملەكەتتىك باسقارۋ اكادەمياسىنىڭ مەنەدجمەنت ماماندىعىندا وقىدى.

«قازاقويل» جاق-ىنىڭ, «قازاقستان تەمىر جولى» رمك-ءىنىڭ اقپاراتتىق تەحنولوگيالار دەپارتامەنتتەرىن باسقاردى.

2002 جىلى مەملەكەتتىك قىزمەتكە كەلدى. قارجى, ەكونوميكا جانە بيۋدجەتتىك جوسپارلاۋ مينيسترلىكتەرىندە دەپارتامەنت ديرەكتورى قىزمەتىندە اقپاراتتاندىرۋ ماسەلەلەرىنە جەتەكشىلىك ەتتى.

2004 جىلى مامىردىڭ 13 باستاپ قازاقستان رەسپۋبليكاسى اقپاراتتاندىرۋ جانە بايلانىس اگەنتتىگى توراعاسىنىڭ ورىنباسارى بولىپ تاعايىندالدى.

2006 جىلى قازاقستان رەسپۋبليكاسى اقپاراتتاندىرۋ جانە بايلانىس اگەنتتىگى توراعاسى بولىپ تاعايىندالدى.

2010 جىلدان – «قازاقتەلەكوم» اق باسقارماسىنىڭ توراعاسى قىزمەتىن اتقاردى.