Toqaevtyń jańa keńesshisi taǵaıyndaldy

Bul týraly Aqordanyń baspasóz qyzmeti málim etti.

Memleket basshysynyń ókimimen Qýanyshbek Baqytbekuly Esekeev Qazaqstan Respýblıkasy Prezıdentiniń keńesshisi laýazymyna taǵaıyndaldy, – delingen habarlamada.

Qýanyshbek Esekeev 1975 jyly 10 maýsymda Almaty qalasynda dúnıege kelgen.

1995 jyly Ál-Farabı atyndaǵy Qazaq memlekettik ýnıversıtetiniń qoldanbaly matematıka mamandyǵy boıynsha bitirdi.

2001 – 2002 jyldary Qazaq Memlekettik Basqarý Akademııasynyń menedjment mamandyǵynda oqydy.

«Qazaqoıl» JAQ-ynyń, «Qazaqstan temir joly» RMK-iniń aqparattyq tehnologııalar departamentterin basqardy.

2002 jyly memlekettik qyzmetke keldi. Qarjy, Ekonomıka jáne bıýdjettik josparlaý mınıstrlikterinde departament dırektory qyzmetinde aqparattandyrý máselelerine jetekshilik etti.

2004 jyly mamyrdyń 13 bastap Qazaqstan Respýblıkasy Aqparattandyrý jáne baılanys agenttigi tóraǵasynyń orynbasary bolyp taǵaıyndaldy.

2006 jyly Qazaqstan Respýblıkasy Aqparattandyrý jáne baılanys agenttigi tóraǵasy bolyp taǵaıyndaldy.

2010 jyldan – «Qazaqtelekom» AQ basqarmasynyń tóraǵasy qyzmetin atqardy.