«Tomırıs patshaıymdy» mektepke shaqyrǵan dırektor jumystan qýyldy

Foto: skrınshot

Jambyl oblysy Tereńózek aýylynda ózin Tomırıs dep ataıtyn Gúlsara Kópbaevany mektepke shaqyryp, is-shara ótkizgen dırektor men onyń tárbıe isi jónindegi orynbasary jumystan qýyldy, dep habarlaıdy qandastar.kz Azattyq Rýhy  silteme jasap.

Oqý-aǵartý mınıstri Ǵanı Beısembaev mektepte ótetin is-sharalardyń bárine birinshi kezekte dırektor jaýapty ekenin aıta kele, onyń tárbıe jónindegi orynbasaryna qatysty qabyldanǵan sharanyń qaıta zertteletinin aıtty.

«Búginde mektep basshysy jazalanyp otyr. Al, endi ótken sharalardyń tárbıe jumystaryna baılanysty bolǵanyna oraı tárbıe jónindegi orynbasaryna qabyldanǵan sheshimniń durystyǵyn anyqtaý úshin tapsyrma berdim. Biz kez-kelgen myqty, tájirıbeli mamandardy baǵalaýymyz kerek. Eger rasynda bul jaǵdaıǵa tikeleı qatysy bar bolsa, zań aldynda jaýapkershilikti moınyna alýy kerek. Biraq biz mektep dırektorynyń tárbıe jónindegi orynbasaryna qatysty máseleni zerdelep kóremiz», – dedi mınıstr.

Eske salaıyq, jýyrda Jambyl oblysynda mektepke barǵan «Tomırıs patshaıymǵa» qatysty aqparatqa el nazaryn aýdarǵan edik. Aldymen bul adamnyń etegin oqýshylar kóterip júrgenin, keıin, mektep muǵalimderi emshini shaqyrý úshin 4000 myń teńgeden aqsha jınaǵanyn jazdyq. Másele mınıstrge deıin jetip, tekserý júrgen bolatyn.