جاڭالىقتار
توپ-5: قازاقستانعا قاي ەلدەن تۋريستەر كوپ كەلدى?
فوتو: اشىق دەرەككوز
ۇلتتىق ستاتيستيكا بيۋروسىنىڭ دەرەگىنە سايكەس, 2024 جىلدىڭ قاڭتار-ماۋسىم ارالىعىندا ەلىمىزگە 566,5 مىڭ شەتەلدىك تۋريست ساياحاتتاعان, دەپ حابارلايدى Qandastar.kz. قر تۋريزم جانە سپورت مينيسترلىگىنىڭ مالىمەتىنە سۇيەنسەك, بۇل 2023 جىلعى سايكەس كەزەڭمەن سالىستىرعاندا 50,7 مىڭ ادامعا كوپ. 2023 جىلدىڭ العاشقى جارتىجىلدىعىندا قازاقستانعا 515,8 مىڭ شەتەلدىك تۋريست كەلگەن.
ستاتيستيكاعا سايكەس, ەلىمىزگە كەلەتىن شەتەلدىك تۋريستەردىڭ گەوگرافياسى جىل سايىن كەڭەيىپ كەلەدى. مىسالى, جاقىن كورشىلەردەن بولەك, قازاقستانعا مۇحيتتىڭ ارعى بەتىندەگى مەملەكەتتەردەن دە ساياحاتشىلار كەلە باستادى. وسى ورايدا, نازارلارىڭىزعا 2024 جىلدىڭ ءبىرىنشى جارتىجىلدىعىندا ەلىمىزگە كەلگەن تۋريستەر سانى بويىنشا توپ-5 ەلدى ۇسىنامىز.
2024 جىلدىڭ العاشقى 6 ايىندا ەلىمىزگە ەڭ كوپ ساياحاتشى رەسەي فەدەراتسياسىنان كەلگەن. بىلتىرعى قاڭتار-ماۋسىم ارالىعىندا قازاقستانعا 186,1 مىڭ رەسەيلىك ساياحاتتاعان. ەكىنشى ورىندى قىتاي تۋريستەرى يەلەندى. شىعىستاعى كورشىمىزدەن ەلىمىزگە 69 918 ادامنىڭ تابانى تيگەن. ال ءۇشىنشى ساتىعا ءۇندىستان (53 695 ادام) جايعاستى. سونداي-اق ۇزدىك بەستىكتىڭ قاتارىندا تۇركيا (30 312) جانە اقش (19 597) ەلدەرى بار.
«ەلىمىزگە ءۇندىستان, تۇركيا جانە اقش سياقتى ەلدەردەن كەلەتىن تۋريستەر سانىنىڭ ارتۋى قازاقستاننىڭ الەمدىك تۋريستىك كارتادا جىل وتكەن سايىن تارتىمدى باعىتقا اينالىپ جاتقانىن كورسەتەدى. ءبىز تۋريستىك ينفراقۇرىلىمدى دامىتۋدى جانە الەمنىڭ تۇكپىر-تۇكپىرىنەن كەلگەن ساياحاتشىلار ءۇشىن قولايلى جاعداي جاساۋدى جالعاستىرامىز», – دەدى تۋريزم يندۋسترياسى كوميتەتىنىڭ توراعاسى نۇرتاس كارىپباەۆ.
