جاڭالىقتار
توپىراقتىڭ قۇنارلى قاباتىن الىپ تاستاعان كاسىپورىن 22 ميلليون تولەدى
https://qandastar.kz/topyraktyn-kunarly-kabatyn-alyp-tastagan-kasiporyn-22-million-toledi/
فوتو: KAZINFORM
KAZINFORM جوسپاردان تىس تەكسەرۋ بارىسىندا قر اشم جەر رەسۋرستارىن باسقارۋ كوميتەتىنىڭ باتىس قازاقستان وبلىسىنىڭ اۋماقتىق بولىمشەسى تەرەكتى جانە اقسۋات اۋىلدىق وكرۋگتەرىندە توپىراقتىڭ قۇنارلى قاباتىن زاڭسىز الۋ تۇرىندەگى بۇزۋشىلىقتى انىقتادى.
اۋىل شارۋاشىلىعى مينيسترلىگى ءباسپاسوز قىزمەتىنىڭ مالىمەتىنشە, كاسىپورىنعا 22 ملن تەڭگە كولەمىندە اكىمشىلىك ايىپپۇل سالىنىپ, مەملەكەت كىرىسىنە ءوندىرىلدى.
قر جەر كودەكسىنىڭ 140-بابىنا سايكەس جەر ۋچاسكەلەرىنىڭ مەنشىك يەلەرى مەن جەر پايدالانۋشىلار ب ۇلىنگەن جەرلەردى قالپىنا كەلتىرۋگە, ولاردىڭ قۇنارلىلىعىن جانە جەردىڭ باسقا دا پايدالى قاسيەتتەرىن قالپىنا كەلتىرۋگە جانە ونى شارۋاشىلىق اينالىمعا ۋاقىتىلى تارتۋعا باعىتتالعان ءىس-شارالاردى جۇرگىزۋگە مىندەتتى.
اۋماقتىق بولىمشە «پودستەپنوە – فەدوروۆكا – رف شەكاراسى» اۆتوموبيل جولىن قايتا جاڭعىرتۋ جوباسى اياقتالعاننان كەيىن 3 اي ىشىندە بۇزىلعان جەرلەر مەن ونىڭ قۇنارلىلىعىن قالپىنا كەلتىرۋ جولىمەن انىقتالعان بۇزۋشىلىقتاردى جويۋ بويىنشا كەشەندى ءىس-شارالاردى قابىلداۋ تۋرالى ۇيعارىم جازىپ, ۇسىنىمدار ەنگىزدى.
