Jańalyqtar
Topyraqtyń qunarly qabatyn alyp tastaǵan kásiporyn 22 mıllıon tóledi
https://qandastar.kz/topyraktyn-kunarly-kabatyn-alyp-tastagan-kasiporyn-22-million-toledi/
Foto: KAZINFORM
KAZINFORM Jospardan tys tekserý barysynda QR AShM Jer resýrstaryn basqarý komıtetiniń Batys Qazaqstan oblysynyń aýmaqtyq bólimshesi Terekti jáne Aqsýat aýyldyq okrýgterinde topyraqtyń qunarly qabatyn zańsyz alý túrindegi buzýshylyqty anyqtady.
Aýyl sharýashylyǵy mınıstrligi baspasóz qyzmetiniń málimetinshe, kásiporynǵa 22 mln teńge kóleminde ákimshilik aıyppul salynyp, memleket kirisine óndirildi.
QR Jer kodeksiniń 140-babyna sáıkes jer ýchaskeleriniń menshik ıeleri men jer paıdalanýshylar búlingen jerlerdi qalpyna keltirýge, olardyń qunarlylyǵyn jáne jerdiń basqa da paıdaly qasıetterin qalpyna keltirýge jáne ony sharýashylyq aınalymǵa ýaqytyly tartýǵa baǵyttalǵan is-sharalardy júrgizýge mindetti.
Aýmaqtyq bólimshe «Podstepnoe – Fedorovka – RF shekarasy» avtomobıl jolyn qaıta jańǵyrtý jobasy aıaqtalǵannan keıin 3 aı ishinde buzylǵan jerler men onyń qunarlylyǵyn qalpyna keltirý jolymen anyqtalǵan buzýshylyqtardy joıý boıynsha keshendi is-sharalardy qabyldaý týraly uıǵarym jazyp, usynymdar engizdi.
