تورەعالي تورەالىنى 25 مىڭ حالىق ون ساعات بويى تىك تۇرىپ كۇتكەن

فوتو: instagram.com/toregalitoreali/

تانىمال ءانشى تورەعالي تورەالىنى 25 مىڭ ادام كونتسەرت الاڭىندا ون ساعات بويى تىك تۇرىپ كۇتكەن ەكەن, دەپ حابارلايدى Massaget.kz ءتىلشىسى.

بۇل تۋرالى تورەعالي تورەالى ءوزىنىڭ الەۋمەتتىك جەلىدەگى پاراقشاسىندا مالىمدەدى.

«مەن الماتىدامىن. الماتىعا كەلە سالا جۇمىستاردى باستاپ كەتتىك, ازىرگە اقسۋاتتاعى كونتسەرتتەگى قىزىقتارمەن بولىسەيىن», – دەگەن ول ءوزى كولىكتە وتىرىپ تۇسىرگەن تەرەزەدكن قولىن ۇستاۋعا تىرىسقان فانات بالالاردىڭ ۆيدەوسىن جاريالادى.

«حالقىم مەنى, مەن حالقىمدى ساعىنىپ قالىپپىز. اللام ابىرويدان ايىرماسىن», – دەگەن ءانشى ساحنادا تۇسىرگەن ۆيدەولارىمەن دە ءبولىستى.

«كوپتەن كۇتكەن تورەش اعانى 10 ساعات بويى تىك تۇرىپ كۇتىپ تۇردى. 25 مىڭ حالىق 20.00-دەن باستاپ كۇتتى. وسىنداي كەرەمەت ەموتسيا سىيلاعان جاندارعا مىڭ العىس», – دەگەن تىڭدارمانىنىڭ پىكىرىن دە جەلىدە جاريالادى ءانشى.

اقسۋات حالقى راسىمەن تورەشتى ءسۇيىپ تىڭداپ, ۇزاق كۇتكەن سياقتى.