تورەعاليدىڭ بۇرىنعى پروديۋسەرى رەنىشىن ايتتى

فوتو: اشىق دەرەككوز

تانىمال ءانشى تورەعالي تورەالى مەن ونىڭ بۇرىنعى پروديۋسەرى جان مۇقانوۆ نە ءۇشىن سوزگە كەلىپ قالعانى ايتىلدى, دەپ حابارلايدى qandastar.kz Azattyq Ruhy سايتىنا سىلتەمە جاساپ. 

تورەعالي تورەالى مەن جان مۇقانوۆتىڭ بىرگە جۇمىس ىستەۋى پروديۋسەر ءۇشىن قارجىلىق شىعىنمەن اياقتالدى. مۇقانوۆتىڭ ايتۋىنشا, كونتسەرتتەر ۇيىمداستىرۋ كەزىندە 46 ميلليون تەڭگەگە جۋىق قاراجات جۇمسالعان.

پروديۋسەر جەتپەگەن قارجىنى ءوز قالتاسىنان شىعارۋعا ءماجبۇر بولعان ەكەن.

«تورەعاليعا جاعدايدى ءتۇسىندىرىپ, شامامەن 10-12 كونتسەرت وتكىزۋ قاجەت ەكەنىن ايتتىم. بىراق ول ماعان: «جان, بۇل سەنىڭ پروبلەماڭ» دەپ جاۋاپ بەردى. ول كەزدە ءانشى شارشاعان نەمەسە ءبىر نارسە تۇتىنعانداي بولىپ كورىندى. ماعان بۇل جاعداي اۋىر ءتيدى, سەبەبى ول مەنى بۇرىن ءاردايىم «جان اعا» دەپ اتايتىن, ال بۇل جولى تەك «جان» دەپ, ياعني «سەن» دەپ سويلەدى», – دەدى پروديۋسەر.