ءتورت ادام ءجاسوسپىرىمدى بوپسالاپ, 20 ملن تەڭگە سۇراعان

كۇدىكتىلەر كامەلەتتىك جاسقا تولماعان ءجاسوسپىرىمنىڭ شەتەلگە وقۋعا باراتىنىن جانە اتا-اناسىنىڭ اقشاسى بار ەكەنىن ءبىلىپ, ودان 20 ملن تەڭگە تالاپ ەتكەن, دەپ حابارلايدى qandastar.kz اقپاراتتىق پورتالى turkystan.kz سايتىنا سىلتەمە جاساپ.

پسيحولوگيالىق قىسىم جاساپ, اتىس قارۋىن كورسەتىپ, 4 ملن تەڭگە العان.

توپتىڭ ەكى مۇشەسى جابىرلەنۋشىدەن تاعى 100 مىڭ تەڭگە اقشا الىپ جاتقان جەرىندە ۇستالدى. كەيىن قالعان مۇشەلەرى ۇستالعان.

قىلمىسكەرلەردىڭ ارقايسىسى 10 جىلعا باس بوستاندىعىنان ايىرىلدى.

جابىرلەنۋشىگە كەلتىرىلگەن ماتەريالدىق شىعىن تولىق وتەلىپ, سونىمەن قاتار سوتتالعانداردان 2 ملن تەڭگە كولەمىندە مورالدىق وتەماقى ءوندىرىلدى.