«Tórt bala ákesiz qaldy»: Almatyda kóz jumǵan polıeı meıramhanada áıelge arasha túsken

Foto: vıdeo skrın

Almatydaǵy meıramhanada áıelge arasha túsemin dep polıeı qaza tapty. Er adamnyń artynda tórt balasy qaldy. Bul týraly  qandastar.kz aqparat agenttigi KTK arnasyna silteme jasap habarlaıdy. 

Qandy qylmys qaladaǵy tanymal meıramhanalardyń birinde túngi ýaqytta bolǵan. Baqylaý kamerasyna Nursultan Nesipbaevtyń beıtanys áıeldi qalaı qorǵaýǵa tyrysqany jazylǵan. Aıaýsyz soqqylap jatqan er adamǵa eskertý jasap, syrtqa shyǵyp ketedi. Sóıtip aralarynda janjal týyndap, arty polıeıdiń ólimimen aıaqtaldy.

Marqumnyń máıiti týǵan jeri Baıqońyrǵa jetkizilgen. Marqum Nursultan Nesipbaevqa úsh ret pyshaq suqqan kúdikti birden qamaýǵa alyndy. Ol ózge el azamaty bop shyqty.

“Qazaqtyń qyzyn qorǵaımyn dep, ómiri qyrshynnan qıyldy. Joldasymmen kóretin jaqsylyǵymyz áli alda edi ǵoı, alǵa qoıǵan maqsattarymyz boldy. Myna bala-shaǵany ósiremiz degen maqsatymyz bar edi. Jaqsylyqqa umtyldyq. Endi ókinishti, jastaıynan ómiri qıyldy”, – dedi marqumnyń áıeli Baqyt Jetigen.

31 jastaǵy polıeı meıramhanada jumystan tys ýaqytta júripti. Ish qurylysy men júrek tusynan pyshaq jaraqatyn alǵan azamat aýrýhanaǵa jetkizile salysymen kóz jumǵan.

“Joldastarynyń aldynda abyroıly, baýyrmal, aǵaıynnyń ortasynda qamqorshymyz edi, balam. Balama kóp arqa súıeıtin edim. О́zimizdiń qazaqtyń qyzyn qorǵaımyn dep, óziniń ómirin qıyp, artta ańyratyp meni qaldyrdy. Tórt balasy, kelinshegi qaldy. Men balamdy maqtan tutamyn”, – dedi marqumnyń anasy Raıa Jaqanova.

Nursultan Nesipbaev on jyldan beri ishki ister salasynda qyzmet atqarǵan. Áriptesteri er adamnyń jumysqa adal, janashyr azamat bolǵanyn aıtyp otyr.

“Men Nursultandy 2017 jyldan bastap tanımyn. Ekeýimiz jumysty birge bastaǵanbyz. Naǵyz jedel ýákil dep aıtýǵa bolady. Jumysyna adal, berik bolatyn. Árdaıym adamdarǵa kómektesip júretin jáne de óte ashyq jigit bolatyn. Qandy qylmys jasady degen kúdikti qolǵa túsip, qamaýǵa alyndy”, – dedi Medeý aýdany PB aǵa jedel ýákili Baǵdat Quramysov.

Polıııanyń aıtýynsha, ol О́zbekstan azamaty eken.

“Qatarlas qyzmettik tekserý júrgizilip jatyr. Polıııa qyzmetkeri jumysta emes edi. Qylmystyq istiń basqa da mán-jaıy Qylmystyq is júrgizý kodeksiniń 201-babynyń talaptaryna saı jarııa etilmeıdi”, – dedi Almaty PD resmı ókili Saltanat Ázirbek.