«Tórt balam bar dep ótirik aıttym»: Júgi órtenip elden kómek suraǵan júrgizýshi aqsha jınaýǵa basshylary májbúrlegenin aıtty

Júrgizýshi bul týraly jýrnalıst Rýslan О́tepbaıdyń baǵdarlamasynabergen suhbatynda aıtty.

Ermek esimdi júrgizýshiniń aıtýynsha, maýsym aıynda bir júk tasylmaýdaýshy fırmaǵa jumysqa ornalasqan. Jumysqa ornalasý kezinde eshqandaı qujat suralmaǵanyn, eńbek sharty jasalmaǵanyn aıtady.

Qostanaı mańynda júgi men tirkemesi órtenip ketkennen keıin, bastyǵy vıdeo túsirýin talap etken.

“6-7 ret vıdeo túsirdim, solardyń ishinen bireýi jaraıdy dedi. Bastyqtyń áıeli Aınur hanym, maǵan vıdeony qalaı túsirý kerek ekenin jazyp jiberdi, betiń kórinip turý kerek, órtengen kólik turýy kerek dedi. Áıtpese, men eshqashan ondaı vıdeo túsirip kórmegenmin. Vıdeony eki kún júrip túsirdim”, – deıdi júrgizýshi.

Basshylary júrgizýshige vıdeoda aıtatyn mátinine, qalaı jylaý keregine deıin daıyndap bergen kórinedi. Tipti, bir balasy bar Ermekti tórt balam bar dep aıtýǵa májbúrlegen.

“Shyǵyn 20 mıllıon teńge, bastyǵym teń jartysyn tólep beredi dep aıt dedi. Tirkeme 11 mıllıon, 4 dóńgelek 4 mıllıon teńge, al júktiń baǵasy 1 mıllıon 700 myń teńge shamasynda eken. Maǵan 9 tamyzǵa deıin 10 mıllıon taýyp ber dep talap qoıdy”, – deıdi júrgizýshi.

Kómek suraǵan vıdeony túsirgen Ermek ony Erjan esimdi basshysyna jibergen. Vıdeony jelige kim júktegenin bilmeıdi. Tek qana bank qosymshasyna aqsha túse bastaǵan kezde ǵana halyqtyń qarajaty óziniń esepshotyna jınalyp jatqanyn bilgen. Kómek retinde 15 mıllıon teńge qarjy jınalǵannan keıin Ermek taǵy da basshylarynyń aıtýymen vıdeo túsirip, qarajat jınaý toqtatylǵanyn, aqsha shyǵyndy jabýǵa jetetinin aıtyp, elge alǵys aıtady.

“15 mıllıon teńge jınalǵanyn kórdim. Telefonym eski bolǵandyqtan óte baıaý jumys isteıdi, sondyqtan naqty bile almadym. Keıin bilsem 19 mıllıon teńgeden astam aqsha túsipti. Olar maǵan “sen esep bere almaısyń, biz esep beremiz” dep meniń bank kartamdy tartyp aldy. Basqa telefonǵa meniń bet júzimdi paıdalanyp bank qosymshama da kirip aldy. Keıin 2 mıllıon teńge nesıemdi jaýyp berdi”, – deıdi Ermek.

Qarajat jınaý isindegi bylyqty alǵashuylardyń biri bolyp, belsendi Ábirqaıyr Rústemov baıqapty.

Belsendiniń kómegimen Ermek prokratýraǵa aryz jazyp, basshylarynan qysym kórip otyrǵanyn baıandaǵan.

Suhbatqa fırmanyń basshylary Erjan men Aınur da kelgen. Aınur óziniń JShS-nyń resmı basshysy ekenin, Ermektiń jumysqa resmı tirkelgenin aıtady.

“Kólik órtenip ketkennen keıin Ermek jylap habarlasyp, keshirim surap, ómir boıy tegin jumys isteımin dep aıtty. Qatty janym ashydy. Erjan urysqan kezde de, uryspashy dep ótindim”, – deıdi Aınur.

О́rtengen kóliktiń ıesi Erjannyń aıtýynsha, halyqtan kómek suraý degen oıdy alǵash bolyp júrgizýshi Ermektiń ózi aıtqan kórinedi.

“Elden kómek suraý týraly oıdy ózi aıtty. Keıin bizge TikTok-qa vıdeo jarııalaý týraly oı keldi. О́zine aıtqan kezde kelisimin berdi. Sosyn vıdeo suradyq. Ol vıdeony durys túsire almaǵandyqtan, qalaı túsirý kerek ekenin úırettik. Keıin vıdeoǵa qoıý úshin rekzıvıtterin suradym, sizge shotyńyzǵa jınaımyz, men alaıaq bolǵym kelmeıdi dep aıttym”, – deıdi Erjan.

Basynda vıdeo túsirgende qansha jınalatynyn bilgen joqpyz deıdi Aınur. Jalpy 18 mln 674 myń teńge jınaldy. Sbor jabylǵan soń da aqsha túsip jatty. Biraq maǵan Ermek pen áıeli nesıe týraly aıtpańyzdarshy dedi. Aınurdyń aıtýynsha barlyǵy Ermektiń kelisimimen bolǵan. Aqshany ózi sheship alyp kelip berdi deıdi.

Eske salsaq, osyǵan deıin júk kóligi órtenip ketken er adamǵa qazaqstandyqtar20 mıllıon teńge jınap bergen edi.