Tórt kompressor: Teńizden 34,7 mıllıon tonna munaı alý Qazaqstanǵa ne beredi?

Foto: ashyq derekkóz

Qazaqstandaǵy eń iri munaı kompanııasy bolyp tabylatyn Teńizshevroıl Bolashaq keńeıtý jobasynyń alǵashqy nátıjelerin kóre bastady. Osy joba óziniń tolyq qýatyna jetken ýaqyttan bastap, Qazaqstan kúnine 1 mıllıon barrel munaı óndiretin bolady, dep jazdy qandastar.kz

Byltyr Teńiz kenishinen 27,8 mln tonna munaı alynsa, bıyl keńeıtýdiń arqasynda 34,7 mln tonna munaı shyqpaq. Bul – 253,3 mıllıon barrel KEBCO sortty munaı. Naryqtaǵy qazirgi baǵasy 19 mıllıard dollardan asar edi. Byltyr Qazaqstan barlyq ken oryndaryn esepke alǵanda 87,7 mıllıon tonna munaı nemese 640 mıllıon barrel munaı óndirdi. Ol onyń aldynda mejelengen jospardan az bolyp shyqty. Bıylǵa 96,2 mln tonna munaı (505 myń barrel) degen jospar qoıylyp otyr. О́simniń negizgi bóligin Teńiz kenishi qamtamasyz etýi tıis.

dalainside habarlaǵandaı,  Qazaqstan bıyl kóbirek munaı óndiretini anyq. Biraq álemdiń naryqtarda munaı baǵasynyń túsip ketý qaýpi osy óndiristiń artýyn, keńeıtý jobasyna salynǵan ınvestıııanyń qaıtýyn qıyndatýy múmkin. AQSh prezıdenti Donald Tramp pen OPEK qandaı qımylǵa barary da belgisiz. Tramp munaı baǵasyn tek OPEK arqyly túsire alady. Biraq OPEK+ kelisimi kezinde munaı baǵasyn arzandatpaı ustap turý úshin munaı óndirý kólemin shekteýge baǵyttalǵan edi. OPEK AQSh aıtty dep óz baǵytyn 180 gradýsqa ózgerte me? Ol jaǵyn eshkim tap basyp bile almady. Qazaqstan barynsha kóp munaı óndirip, odan kóbirek paıda tabýǵa nıetti. Sebebi, jylda qaıtalanatyn bıýdjettik defııt Ulttyq Qor qazynasyn aıtarlyqtaı júdetip tastaǵan bolatyn. Munaı óndirý kóleminiń artýyn paıdalanyp, Ulttyq Qordy keminde 10 mıllıard dollarǵa toltyryp qoıý qajet. TShO – Qazaqstannyń negizgi úmiti bolyp otyr. Keńeıtý jobasynyń aıasynda 4 kompressor qoıylyp, 5 gazotýrbındi generator ornatylǵan. Úkimet olar isten shyqpaı, turaqty túrde qysym bolsa dep armandaıdy. Bir nárse anyq – Qazaqstan TShO keńeıýi jobasynan paıda kórý úshin álemdik naryqta munaı baǵasy barreline 70 dollardan túspeý qajet. Sebebi, bıyl fıýcherster qulaıtyn bolsa, el bıýdjeti aýyr jaǵdaıda qalady.