«Tort quny – 20 mıllıon teńge, toı asabasy – Nurlan Sabyrov»: Bloger Daricorn týǵan kúnin dúrkiretip atap ótti

Foto: ashyq derekkóz

Tanymal bloger Darhan Jolshybekov áıeli, bloger Darıǵanyń týǵan kúnin este qalarlyqtaı etip toılady. Bul týraly qandastar.kz Stan.kz aqparat agenttigine silteme jasap habarlaıdy.

Jaqynda nekesiz qyzyna kólik pen páter syılaǵan bloger taǵy da eldi shýlatty.

Ol áıeline elde bolmaǵan toı jasap berip, qyzý talqyǵa tústi. Jaryna quny 150 mıllıon teńge turatyn kólikten bólek, týǵan kún keshin uıymdastyrdy. Otandyq shoý-bıznes juldyzdarynan bólek, Reseıden tanymal ázilkesh Nurlan Sabyrov ta keldi.

“Es jıyp alaıyq, sodan keıin bárin salamyz. Búkil brend syılyqqa keldi. 1 mıllıon teńgedeı aqshalaı syılyq jınalypty. At salysqan dostaryma myń alǵys! Darıdyń ózine de qatty unady. Syılyqtardy keıin kórsetemiz”, – dedi Darhan Jolshybekov.

Sondaı-aq týǵan kún ıesi úshin quny 20 mln teńgeniń torty ázirlengen. Onyń uzyndyǵy 2 metrge jýyqtaıdy. Ertegidegi saraı syndy tátti bálishtiń qaq ortasynda blogerdiń laqap aty «DARICORN» degen jazýdy baıqaýǵa bolady.

Eske salaıyq, byltyr áıeliniń 25 jasyna bloger 1001 roza men quny 6 mıllıon teńge turatyn saǵat syılaǵan edi.