«Tórt mln teńge qaryz»: Tarazda 5 jyldan beri balasyna alıment tólemegen adam sottalmaq

Foto: ashyq derekkóz

Jambyl oblysynda 2019 jyldan beri alıment tóleýden jaltaryp júrgen adam anyqtaldy. Sol sııaqty óńirlik prokýrorlar alıment boıynsha boryshkerge qatysty sotqa deıingi tergep-tekserý júrgizip jatyr, dep habarlaıdy qandastar.kz Skifnews.kz aqparat portalyna silteme jasap.

Prokýratýra málimetinshe, taldaý aıasynda 2019 jyldan beri dáleldi sebeptersiz 4 mln teńgeden astam alıment bereshegin tólemegen boryshkerdi anyqtady.

«Sot sheshiminiń tıisinshe oryndamaǵany úshin boryshker birneshe ret ákimshilik jaýapkershilikke tartylǵan. 09.09.2024 jyly osy fakti boıynsha qala prokýratýrasy QK-niń 139-baby boıynsha sotqa deıingi tergep-tekserýdi bastady. QPK-niń 201-babyna sáıkes ózge de aqparat jarııa etýge jatpaıdy.

2024 jyldyń ótken kezeńinde qala prokýratýrasy 30 boryshkerdi ákimshilik jaýapkershilikke tartyp, 41 mln teńge kóleminde alıment bereshegin óndirdi.

Prokýratýra alıment tóleýden jaltarǵan boryshkerlerge QK-niń 139-babyna sáıkes 2 jylǵa deıingi merzimge bas bostandyǵynan aıyrý jazasy qarastyrylǵanyn eskertedi», – delingen habarlamada.