Tórt jyldyń ishinde qazaq áskerinde 310 sarbaz kóz jumǵan

Fotokollaj: Azattyq Rýhy

2020 jyldan beri áskerde qaza tapqan sarbazdardyń sany 310 adamǵa jetken, dep habarlaıdy qandastar.kz Atameken business arnasyna silteme jasaı otyryp.

Qorǵanys mınıstrligi beıbit kúnde qynadaı qyrylyp jatqan jas jigitterdiń ólimine túrli sebepterdi ataıdy: aýrý-syrqaý, sýııd, jol-kólik oqıǵasy, taǵy basqalar.

Otan aldyndaǵy boryshyn óteýge attanǵandardyń ólimi jyldan-jylǵa artyp kele jatqanyn aıta ketken jón. Bas áskerı prokýrordyń birinshi orynbasary Maqsat Qazıev byltyr 2020 jyl men 2023 jyl aralyǵynda armııada 270 sarbazdyń baqılyq bolǵanyn málimdegen edi.

Tórt jylda 310 sarbazdan aıyrylsaq, jylyna 77 jas jigit qyrshynynan qıylady degen sóz, olaı bolsa aptasyna bir sarbaz jan tapsyrady dep topshylaýǵa bolady.

Keshe ǵana Mańǵystaý oblysynda qatardaǵy jaýynger Marat Barqulov kisi qolynan qaza tapty. Ony Oımasha polıgonynda gvardııa leıtenanty tapanshamen atyp salǵan. Jalǵyz ulynan aıyrylǵan áke kináli adamnyń ádil jazalanýyn shyryldap surap, quziretti organdarǵa vıdeoótinish joldap júr. Áleýmettik jelide «balamdy áskerge jibermeımin» degen saryndaǵy pikirlerge kóz shalynady. Qazaq uldarynan patrıotızmdi, el men jerge degen adaldyqty suraý úshin armııaǵa tártip engizip, bir izge salýdy bılik organdary mindetine alýy tıis dep sanaıdy halyq.

Sonymen qatar, petıııalar saıtynda mindetti áskerı qyzmetti joıý týraly bastama paıda bolǵanyn jazǵan edik. Petıııa 2024 jyldyń 21 qyrkúıegine deıin talqylanady. Eger ol 50 myń qol jınasa, qorǵanys mınıstrligi ótinishti qaraýǵa mindetti.