«Tósekke kúshtep tartty»: Túrkistanda 15 jastaǵy qyz áskerı qyzmetkerden júkti bolyp qalǵanyn aıtty

Túrkistan oblysynda áskerı qyzmetkerden júkti bolyp qalǵan qyz 16 jasynda bosandy. Kámeletke tolmaǵan jábirlenýshi jynystyq qatynasqa májbúrlegen áskerı qyzmetker tıisti jazasyn alýyn talap etip otyr.  Bul týraly  qandastar.kz aqparat portaly 31-arnanyń Informbıýro jańalyqtar qyzmetine silteme jasap habarlaıdy.

16 jasynda ana ataǵan Túrkistan oblysynyń turǵyny 23 jastaǵy áskerı qyzmetkermen byltyr kóktemde tanysqan. Onyń aıtýynsha, áýeli áleýmettik jelide sóılesken ekeýi keıin kezdesip, sońynda er adam páterge ertip aparǵan.

“Kúshpen jynystyq qatynas boldy. “Eshkimge aıtpa. Jumystan shyǵaryp jiberedi. Men organda isteıtin adammyn bilesiń” dedi. 15 jasymda kóteremin. Aýrýhanaǵa esepke turýǵa barǵan kezde aýdandyq ishki ister basqarmasyn shaqyrdy. Tergeýshi is qozǵalatynyn aıtty”, – deıdi jábirlenýshi.

Jigittiń jaqyndary jaǵdaıdy ýshyqtyrmaýǵa kóndirip, qyzǵa syrǵa salyp alyp ketken kórinedi. Biraq boıjetken bala kóterip, qylmystyq is qozǵalǵan. Osylaısha, júkti qyz úıine keri qaıtypty.

Polıııa is qozǵaǵanymen tergeý sozbalańǵa salynyp, bes aıdan beri jyljymaǵan.

“5 aıdan beri eshteńe istep jatqan joq. Bári qysqartyp tastady. “Tabylady, tabylady” deıdi tergeýshler. Balany Jetisaıdan shyqpaǵan dep otyr. Jetisaı alaqandaı jer ǵoı. Taýyp alsa jeti atasymen taýyp alady ǵoı. Izdep jatyrmyz deıdi boldy tek”, – deıdi ashynǵan qyz.

Kámelet jasyna tolmaǵan qyz bir aı buryn bosanǵan. Qazir kishkentaı sábıin ákesiz ózi baǵyp otyr. Al polıııa tergeý júrgizilip jatqanyn jetkizdi. Biraq ózge aqparatty jarııa etpedi.

“Atalǵan fakti boıynsha qylmystyq is qozǵaldy. Barlyq mán-jaıdy anyqtaý úshin tergeý áreketteri júrgizilýde, onyń qorytyndysymen proessýaldyq sheshim qabyldanady”, – dep málimdedi Turkistan oblysy polıııa departamenti.

Psıhologııalyq soqqy alǵan jasóspirim kóshege shyǵýdan qalǵan. Tipti, ózine qol jumsamaq bolǵan. Alaıda týystary der kezinde arasha túsken eken.