جاڭالىقتار
توتەنشە جاعدايلار مينيسترلىگى قاۋىپتى 5 ايماقتى اتادى
فوتو: اشىق دەرەككوز
2025 جىلعى 5 اقپاندا ءماجىلىس الاڭىندا قازاقستان رەسپۋبليكاسىنىڭ توتەنشە جاعدايلار ءمينيسترى شىڭعىس ءارىنوۆ سۋ تاسقىنىنا دايىندىق تۋرالى ايتتى, دەپ جازدى qandastar.kz
شىڭعىس ارىنوۆ ەل بويىنشا 1223 ەلدى مەكەن سۋ تاسقىنى قاۋپى ايماعىندا ەكەنىن اتاپ ءوتتى.
«ولار وسى ايماققا تۇسەدى. مامانداردىڭ بىزگە بەرگەن ستاتيستيكاسى وسىنداي. بۇل ەلدى مەكەندەردىڭ بارلىعىن سۋ باسىپ قالادى دەپ قورقادى دەيدى. ارينە جوق. وسىنداي قاۋىپتەر بار دەپ, جۇمىس ىستەپ جاتىرمىز. بىرقاتار قاۋىپتەر جويىلدى. قاي ايماقتار? ەگەر ستاتيستيكالىق مالىمەتتەردى الاتىن بولساق, ەلدى مەكەندەر بويىنشا العاشقى بەستىككە كىرەتىن بولساق, مۇنداي ەلدى مەكەندەردىڭ ەڭ كوپ سانى باتىس قازاقستان, قاراعاندى, اقمولا, سولتۇستىك قازاقستان, شىعىس قازاقستان وبلىستارىندا», – دەدى تجم باسشىسى.
3 اقپاندا «قازگيدرومەت» 2025 جىلدىڭ كوكتەمىنە ارنالعان سۋ تاسقىنىنىڭ الدىن الا بولجامىن ۇسىندى.
