جاڭالىقتار
«ترامپ اقش-تىڭ سوڭعى پرەزيدەنتى بولادى»: جەلىدە ايسۇلتان راحاتتىڭ جازباسى تارادى
فوتو: الەۋمەتتىك جەلىدەن
جەلىدە داريعا نازارباەۆانىڭ ۇلى, «ەلباسىنىڭ سۇيىكتى جيەنى» ايسۇلتان راحاتتىڭ اقش-تا بيىل وتەتىن پرەزيدەنتتىك سايلاۋ تۋرالى ايتقان Facebook-تەگى جازباسى تارادى, – دەپ حابارلايدى Sadaqmedia.kz.
ايسۇلتان راحات 2024 جىلى دونالد ترامپ ەكىنشى مارتە اقش-تىڭ پرەزيدەنتى بولىپ سايلاناتىنىن جازعان.
«بۇل جالعىز قۇدايدىڭ اقش-تا ىستەپ جاتقان جۇمىسى جانە اراب كوكتەمىندەگى توڭكەرىستەرگە ادىلدىك پەن كارمانىڭ قايتارىلۋى تاعى بار! ويتكەنى, يراك, ليۆيا, ەگيپەت, تۋنيس جانە ت.ب. ەلدەردى باسىپ العان كەزدە قانشاما قاراپايىم ادامدار ءولدى!
اقش-تا بولعان بارلىق وقيعادان كەيىن اۋزىڭىزدى اشىپ قالاسىز. ترامپ ەكىنشى رەت سايلانادى جانە اقش-تا دەموكراتيا جوق ەكەندىگى تۋرالى شىندىقتىڭ بەتى اشىلادى! وندا ءبارىن اقشا شەشەدى! ولار دەموكراتيانىڭ يلليۋزياسىن جاسايدى. سونداي-اق سول يلليۋزيانى ءالى دە بۇكىل الەمگە تاڭۋعا تىرىسۋدا! ترامپ اقش تاريحىنداعى سوڭعى پرەزيدەنت بولادى! انتيحريست 2024 جىلى اقش-تى جاۋلاپ الادى! ۇلى دەرجاۆا گۇرىلدەپ قۇلاعانداي, ءبارى دە قۇلايدى!», دەپ جازعان ول.
