ترامپ الەمدەگى ەڭ قىمبات اتقىش ۇشاقتى جاساپ شىعۋعا تاپسىرىس بەردى

بۇل تۋرالى ترامپ پەنتاگوننىڭ باستىعى پيت حەگسەتپەن بىرگە اق ۇيدەن تىكەلەي ترانسلياتسياعا شىققان كەزدە ايتتى.

kaz.zakon.kz جازعانداي,  ترامپ اتقىش ۇشاقتىڭ F-47 دەگەن اتاۋعا يە بولاتىنىن مالىمدەپ, ەكسپەريمەنتتىك مودەلدىڭ سىناعى بەس جىلدان بەرى جۇرگىزىلىپ كەلە جاتقانىن ەسكە سالدى.

«جاڭا اتقىش ۇشاق جىلدامدىقتى ەكى ەسەگە دامىتىپ, ەڭ وزىق جاسىرىن تەحنولوگيالارمەن جابدىقتالادى. امەريكا قۇراما شتاتتارىنىڭ وداقتاستارى بۇل ۇشاقتارعا تاپسىرىس بەرگىسى كەلىپ, قىزىعۋشىلىق تانىتۋدا, بىراق ولار تەك «قىسقارتىلعان» نۇسقانى الا الادى», – دەپ اتاپ ءوتتى ترامپ.

بۇعان دەيىن The Wall Street Journal گازەتى مۇنداي اسكەري ۇشاقتى جاساپ شىعۋ ۇلكەن سومانى قاجەت ەتەتىنى ايتىپ, ونى «ميللياردتاعان دوللار» دەپ باعالاعان. بۇل تاريحتاعى ەڭ قىمبات جانە كۇردەلى ۇشاق بولماق. 2025 جىلدىڭ 21 ناۋرىزىندا ترامپ يلون ماسكتى قىتايمەن ارادا سوعىس تۇتانعان جاعدايدا قۇرىلعان اقش-تىڭ قۇپيا جوسپارىمەن تانىستىرادى دەگەن اقپاراتتى جوققا شىعاردى.