الەم جاڭالىقتارى
ترامپ “ازاتتىق راديوسىنا” قارجى بەرمەيدى
فوتو:
پرەزيدەنت ترامپ جەتى فەدەرالدىق اگەنتتىكتە جاپپاي قىسقارتۋ جۇرگىزۋدى بۇيىردى, دەپ حابارلايدى qandastar.kz
دونالد ترامپ جەتى فەدەرالدىق اگەنتتىكتە اۋقىمدى قىسقارتۋلار جۇرگىزۋدى تاپسىردى.
ولاردىڭ قاتارىندا «امەريكا داۋىسى» مەن «ازاتتىق راديوسىن» باقىلايتىن اقش-تىڭ جاھاندىق مەديا اگەنتتىگى (USAGM) بار.
«امەريكا داۋىسى» مەدياسىنىڭ ديرەكتورى مايكل ءابراموۆيتستىڭ ايتۋىنشا, 1300 قىزمەتكەردىڭ باسىم بولىگى اكىمشىلىك دەمالىسقا جىبەرىلگەن. بۇل شامامەن 50 تىلدە حابار تاراتاتىن جانە اپتاسىنا 361 ميلليوننان استام اۋديتوريانى قامتيتىن مەديانىڭ جۇمىسىن توقتاتۋعا ءماجبۇر ەتكەن.
«مەن تەرەڭ كۇيزەلىسكە ءتۇستىم. 83 جىلدىق تاريحىندا العاش رەت اڭىزعا اينالعان “امەريكا داۋىسى” ءۇنسىز قالۋعا ءماجبۇر», — دەپ جازدى ابراموۆيتس LinkedIn-دە. ول «امەريكا داۋىسى» مەدياسىنىڭ الەمدەگى بوستاندىق پەن دەموكراتيا ءۇشىن كۇرەستەگى ءرولىنىڭ ماڭىزدىلىعىن اتاپ ءوتتى.
