الەم جاڭالىقتارى
ترامپ باراك وبامانى 2016 جىلعى سايلاۋدا الاياقتىق جاسادى دەپ ايىپتادى
فوتو: msn.com/nytimes.com كوللاج
دونالد ترامپ اقش-تىڭ بۇرىنعى پرەزيدەنتى باراك وبامانى 2016 جىلعى پرەزيدەنتتىك سايلاۋدا الاياقتىق جاسادى دەپ ايىپتادى, دەپ جازدى qandastar.kz
بۇل تۋرالى Stan.kz اقپارات اگەنتتىگى Truth Social پاراقشاسىنا سىلتەمە جاساپ حابارلايدى.
ترامپ Fox News تەلەارناسىنداعى جۋرناليست حارريسون ءفيلدستىڭ ءسوزىن وڭ باعالادى. بۇل جۋرناليست تىكەلەي ەفيردە وبامانىڭ سايلاۋدى بۇرمالاۋعا قاتىستى ارەكەتتەرىن اشكەرەلەگەن ەدى.
“Fox News ارناسىنداعى جاس ءارى دارىندى حارريسون فيلدس وتە جاقسى جۇمىس ىستەدى. سونداي-اق ساراپشىلار توبى وباما مەن سايلاۋ الاياقتىعىنا قاتىستى اشكەرەلەنگەن ادامداردى سوتقا تارتۋ تۋرالى ۇسىنىسىمەن ەرەكشە كوزگە ءتۇستى”, – دەپ جازدى ترامپ.
اقش پرەزيدەنتى سونداي-اق ۇلتتىق بارلاۋ قىزمەتىنىڭ ديرەكتورى تۋلسي گابباردتى اتقارعان جۇمىسى ءۇشىن ماقتادى.
«بۇگىن جاريالاپ وتىرعان مالىمەتىمىز 2016 جىلى مەملەكەتىمىزدىڭ ەڭ جوعارى دەڭگەيىندەگى شەنەۋنىكتەر تاراپىنان ساتقىندىقپەن جاسالعان استىرتىن جوسپاردىڭ بولعانىن انىق كورسەتەدى. بۇل ادامداردىڭ ماقساتى – امەريكا حالقىنىڭ ەركىن السىرەتۋ جانە سايلاۋدا جەڭىسكە جەتكەن پرەزيدەنتكە حالىق سەنىپ تاپسىرعان مىندەتىن ورىنداۋعا مۇمكىندىك بەرمەي, ۇزاق جىلدارعا سوزىلعان ساياسي توڭكەرىس ۇيىمداستىرۋ بولعان. قانداي لاۋازىمدا نەمەسە بيلىك دەڭگەيىندە بولسا دا, وسى قاستاندىققا قاتىسى بار ءار ادام تەرگەلىپ, زاڭ اياسىندا قاتاڭ جازالانۋى كەرەك. سوندا عانا مۇنداي جاعداي قايتالانبايدى», – دەدى تۋلسي گاببارد.
