Tramp Barak Obamany 2016 jylǵy saılaýda alaıaqtyq jasady dep aıyptady

Foto: msn.com/nytimes.com kollaj

Donald Tramp AQSh-tyń burynǵy prezıdenti Barak Obamany 2016 jylǵy prezıdenttik saılaýda alaıaqtyq jasady dep aıyptady, dep jazdy qandastar.kz

Bul týraly Stan.kz aqparat agenttigi Truth Social paraqshasyna silteme jasap habarlaıdy.

Tramp Fox News telearnasyndaǵy jýrnalıst Harrıson Fıldstiń sózin oń baǵalady. Bul jýrnalıst tikeleı efırde Obamanyń saılaýdy burmalaýǵa qatysty áreketterin áshkerelegen edi.

“Fox News arnasyndaǵy jas ári daryndy Harrıson Fılds óte jaqsy jumys istedi. Sondaı-aq sarapshylar toby Obama men saılaý alaıaqtyǵyna qatysty áshkerelengen adamdardy sotqa tartý týraly usynysymen erekshe kózge tústi”, – dep jazdy Tramp.

AQSh prezıdenti sondaı-aq Ulttyq barlaý qyzmetiniń dırektory Týlsı Gabbardty atqarǵan jumysy úshin maqtady.

«Búgin jarııalap otyrǵan málimetimiz 2016 jyly memleketimizdiń eń joǵary deńgeıindegi sheneýnikter tarapynan satqyndyqpen jasalǵan astyrtyn jospardyń bolǵanyn anyq kórsetedi. Bul adamdardyń maqsaty – Amerıka halqynyń erkin álsiretý jáne saılaýda jeńiske jetken prezıdentke halyq senip tapsyrǵan mindetin oryndaýǵa múmkindik bermeı, uzaq jyldarǵa sozylǵan saıası tóńkeris uıymdastyrý bolǵan. Qandaı laýazymda nemese bılik deńgeıinde bolsa da, osy qastandyqqa qatysy bar ár adam tergelip, zań aıasynda qatań jazalanýy kerek. Sonda ǵana mundaı jaǵdaı qaıtalanbaıdy», – dedi Týlsı Gabbard.