الەم جاڭالىقتارى
ترامپ: ءبىز رەسەيمەن كەلىسىمگە كەلدىك
فوتو: اشىق دەرەككوز
دونالد ترامپ اق ۇيدەگى جۋرناليستەرمەن وتكەن كەزدەسۋدە وسىلاي دەدى. ول جاۋلاسقان ەكى ەلمەن دە مامىلە جاسالاتىنىن, الايدا كيەۆپەن كەلىسۋ الدەقايدا قيىن ەكەنىن جەتكىزدى, دەپ جازدى qandastar.kz
بۇعان دەيىن ۋكراينا پرەزيدەنتى ۆلاديمير زەلەنسكي قىرىمدى باسىپ الۋدى زاڭدى تۇردە مويىندامايتىنىن مالىمدەگەن. بۇل ايتقانى دونالد ترامپقا جاقپاي قالدى. ءتىپتى لوندوندا جوسپارلانعان بەيبىت كەلىسسوزدەر دە كەيىنگە قالدىرىلدى. اقپاراتقا سۇيەنسەك, زەلەنسكي اقش ۇسىنعان شارتتاردان باس تارتقان.
قۇجاتتا قىرىمدى رەسەيدىڭ ءبىر بولىگى دەپ تانۋ, سونداي-اق, ۋكراينانىڭ شىعىسىنداعى ءتورت ايماقتى لۋگانسك, دونەتسك, حەرسون جانە زاپوروجە وبلىستارىن ماسكەۋدىڭ باقىلاۋىنا بەرۋ تۋرالى جازىلعان. ودان بولەك, ۋكراينا ناتو-عا مۇشەلىكتەن باس تارتۋى مىندەتتەلگەن.
atamekenbusiness_qaz حابارلاعانداي, ەۋرووداققا جول اشىق ەكەنى ايتىلعان. ال, رەسەيدى سوڭعى 10 جىلدا سالىنعان بارلىق سانكتسيادان بوساتۋ جوسپارلانعان.
