الەم جاڭالىقتارىجاڭالىقتار
ترامپ G20 ءسامميتىن ءوزىنىڭ فلوريداداعى كۋرورتىندا وتكىزەدى
اقش پرەزيدەنتى دونالد ترامپ 2026 جىلى وتەتىن «ۇلكەن جيىرمالىق» (G20) ءسامميتى مايامي ماڭىنداعى وزىنە تيەسىلى Trump National Doral كۋرورتىندا ۇيىمداستىرىلاتىنىن مالىمدەدى, دەپ حابارلايدى Qandastar.kz NBC News-كە سىلتەمە جاساپ.
بۇل سامميتكە ەڭ قولايلى ورىن. مەنىڭ وتباسىم ودان ەشقانداي پايدا تاپپايدى, – دەدى ترامپ اق ۇيدەگى ءباسپاسوز ءماسليحاتىندا.
ايتا كەتەيىك, ترامپ ءوزىنىڭ العاشقى پرەزيدەنتتىك مەرزىمىندە «ۇلكەن جەتىلىك» (G7) ءسامميتىن ءدال وسى نىساندا وتكىزبەك بولعان ەدى. الايدا ەكى پارتيانىڭ دا سىنعا الۋىنان كەيىن ول ويىنان اينىعان. سول كەزدە قارسىلاستارى بۇل شەشىم اقش كونستيتۋتسياسىنا قايشى بولۋى مۇمكىن ەكەنىن, ياعني پرەزيدەنتتىڭ كونگرەسس كەلىسىمىنسىز شەتەلدىك ۇكىمەتتەردەن قارجىلىق پايدا كورۋىنە تىيىم سالىنعانىن العا تارتقان.
ترامپتىڭ بيزنەسىنە قاتىستى ەتيكالىق ماسەلەلەر بيىل دا قايتا قىزۋ تالقىلانۋدا. بۇعان دەيىن پەنتاگوننىڭ كاتاردان پرەزيدەنتكە ارنالعان ءساندى ۇشاقتى سىيعا العانى دا قوعامدا رەزونانس تۋعىزعان ەدى.
مايامي مەرى فرەنسيس سۋارەس ءسامميتتى وسى قالادا وتكىزۋ باستاماسىن قولداپ, ونىڭ شاعىن جانە ورتا بيزنەسكە قوماقتى تابىس اكەلەتىنىن اتاپ ءوتتى.
بۇل – ميلليونداعان, ميلليونداعان دوللار پايدا, – دەپ قوستى ترامپتىڭ ءوزى دە.
سامميت 2026 جىلدىڭ جەلتوقسانىندا وتەدى دەپ جوسپارلانىپ وتىر. وعان 19 مەملەكەت, ەۋروپالىق وداق, افريكا وداعى جانە بىرنەشە مەملەكەت-نابليۋداتەل قاتىسادى. ترامپ ارنايى شاقىرىلعان ەلدەردىڭ قاتارىندا جۋىردا ۆاشينگتونعا ساپارلاعان پولشا پرەزيدەنتى كارول ناۆروتسكيدى اتادى.
ال 2025 جىلعى G20 ءسامميتىن وڭتۇستىك افريكا قابىلدايدى. الايدا ترامپ ول جيىنعا بارمايتىنىن, اقش-تى ۆيتسە-پرەزيدەنت دجەي دي ۆەنس تانىستىراتىنىن مالىمدەدى.
ايتا كەتەيىك, اقش-تا سوڭعى رەت G20 ءسامميتى 2009 جىلى پيتتسبۋرگتە وتكەن بولاتىن.
