ترامپ قاقتىعىستى دەرەۋ توقتاتپاسا الەمدە بولماعان قاتاڭ جازانى قولداناتىنىن ايتتى

اقش پرەزيدەنتى دونالد ترامپ رەسەي مەن ۋكراينا قاقتىعىستى توقتاتۋعا كەلىسپەسە, قاتاڭ شارالار قولدانۋعا دايىن ەكەنىن مالىمدەدى, دەپ حابارلايدى  Qandastar.kz اقپارات پورتالى.

NBC News اگەنتتىگىنىڭ حابارلاۋىنشا, بۇل تۋرالى ول اق ۇيدە جۋرناليستەرگە بەرگەن سۇحباتىندا ايتقان.

ونىڭ ايتۋىنشا, رەسەي پرەزيدەنتى ۆلاديمير پۋتينمەن جۋىردا بولعان تەلەفون ارقىلى سويلەسۋ بارىسىندا ۇزاققا سوزىلعان قاقتىعىس تۋرالى پىكىر بىلدىرگەن.

«ساياباقتا ەكى بالا توبەلەسىپ جاتسا, كەيدە ولاردى ءبىراز توبەلەستىرىپ العان دۇرىس, سودان كەيىن اجىراتۋعا بولادى», – دەپ ءتۇسىندىردى ترامپ.

جۋرناليستەردىڭ ءبىرى ترامپتان رەسەيگە قارسى سانكتسيالار ەنگىزۋ ءۇشىن ناقتى مەرزىم بەلگىلەگەن- بەلگىلەمەگەنىن سۇرادى.

«ءيا, بۇل مەرزىم مەنىڭ ويىمدا تۇر», – دەپ جاۋاپ بەردى اقش باسشىسى.

ونىڭ ايتۋىنشا, ەگەر سوعىستىڭ بەيبىت شەشىمگە بەت العانى بايقالماسا, ول «وتە قاتاڭ شارالار» قابىلداۋعا نيەتتى ەكەنىن ايتتى.

«شىنىمدى ايتسام, بۇل ەكى تاراپقا دا قاتىستى بولۋى مۇمكىن. سەبەبى تانگو بيلەۋ ءۇشىن ەكەۋ كەرەك», – دەپ تۇيىندەدى دونالد ترامپ.

رەسەي ۋكراينانىڭ بىرنەشە ايماعىنا سوققى جاسادى.

نەگىزگى سوققىعا ۇشىراعان قالالار: كيەۆ, تەرنوپول, لۋتسك.

كيەۆ. قالانىڭ كوپتەگەن اۋداندارىندا ءورت شىقتى. كوپقاباتتى تۇرعىن ۇيلەر, انگارلار ورتەنىپ جاتىر. 20-دان استام ادام جارالانىپ, 4 ادام قازا تاپتى.

تەرنوپول. ەڭ جويقىن شابۋىل وسى قالاعا جاسالدى. ونەركاسىپتىك جانە ينفراقۇرىلىم نىساندارىنا زاقىم كەلگەن. قالانىڭ ءبىر بولىگى جارىقسىز قالدى.

لۋتسك. كوپقاباتتى تۇرعىن ۇيگە تىكەلەي سوققى جاسالعان. قالا مەرىنىڭ ايتۋىنشا, كەم دەگەندە 5 ادام جاراقات الدى, قازا تاپقاندار تۋرالى اقپارات جوق دەيدى. كوپتەگەن جەكە ۇيلەر مەن كەيبىر وقۋ ورىندارىنىڭ تەرەزەلەرى سىنعان, مەملەكەتتىك مەكەمەلەر زاقىمدانعان. 

رەسەي تۇندە: 

• تۋ-95مس ۇشاقتارى ارقىلى ح-101 قاناتتى زىمىراندارىن;

• «كاليبر» زىمىراندارىن;

• «يسكاندەر-م» جانە KN-23 بالليستيكالىق راكەتالارىن;

• «گەران» تيپىندەگى درونداردى قولداندى.