Tramp qaqtyǵysty dereý toqtatpasa álemde bolmaǵan qatań jazany qoldanatynyn aıtty

AQSh prezıdenti Donald Tramp Reseı men Ýkraına qaqtyǵysty toqtatýǵa kelispese, qatań sharalar qoldanýǵa daıyn ekenin málimdedi, dep habarlaıdy  Qandastar.kz aqparat portaly.

NBC News agenttiginiń habarlaýynsha, bul týraly ol Aq úıde jýrnalısterge bergen suhbatynda aıtqan.

Onyń aıtýynsha, Reseı prezıdenti Vladımır Pýtınmen jýyrda bolǵan telefon arqyly sóılesý barysynda uzaqqa sozylǵan qaqtyǵys týraly pikir bildirgen.

«Saıabaqta eki bala tóbelesip jatsa, keıde olardy biraz tóbelestirip alǵan durys, sodan keıin ajyratýǵa bolady», – dep túsindirdi Tramp.

Jýrnalısterdiń biri Tramptan Reseıge qarsy sankııalar engizý úshin naqty merzim belgilegen- belgilemegenin surady.

«Iá, bul merzim meniń oıymda tur», – dep jaýap berdi AQSh basshysy.

Onyń aıtýynsha, eger soǵystyń beıbit sheshimge bet alǵany baıqalmasa, ol «óte qatań sharalar» qabyldaýǵa nıetti ekenin aıtty.

«Shynymdy aıtsam, bul eki tarapqa da qatysty bolýy múmkin. Sebebi tango bıleý úshin ekeý kerek», – dep túıindedi Donald Tramp.

Reseı Ýkraınanyń birneshe aımaǵyna soqqy jasady.

Negizgi soqqyǵa ushyraǵan qalalar: Kıev, Ternopol, Lýk.

Kıev. Qalanyń kóptegen aýdandarynda órt shyqty. Kópqabatty turǵyn úıler, angarlar órtenip jatyr. 20-dan astam adam jaralanyp, 4 adam qaza tapty.

Ternopol. Eń joıqyn shabýyl osy qalaǵa jasaldy. О́nerkásiptik jáne ınfraqurylym nysandaryna zaqym kelgen. Qalanyń bir bóligi jaryqsyz qaldy.

Lýk. Kópqabatty turǵyn úıge tikeleı soqqy jasalǵan. Qala meriniń aıtýynsha, kem degende 5 adam jaraqat aldy, qaza tapqandar týraly aqparat joq deıdi. Kóptegen jeke úıler men keıbir oqý oryndarynyń terezeleri synǵan, memlekettik mekemeler zaqymdanǵan. 

Reseı túnde: 

• Tý-95MS ushaqtary arqyly H-101 qanatty zymyrandaryn;

• «Kalıbr» zymyrandaryn;

• «Iskander-M» jáne KN-23 ballıstıkalyq raketalaryn;

• «Geran» tıpindegi drondardy qoldandy.