ترامپ قازاقستاننىڭ بارلىق تاۋارىنا 25% باج ەنگىزدى

اقش پرەزيدەنتى دونالد ترامپ قازاقستان, جاپونيا, وڭتۇستىك كورەيا جانە مالايزيادان كەلەتىن بارلىق تاۋارعا 25% كولەمىندە تاريف ەنگىزەتىنىن جاريالادى, دەپ حابارلايدى Qandastar.kz.

وڭتۇستىك افريكا رەسپۋبليكاسىنان كەلەتىن يمپورتقا 30%, ال ۆەتنام, لاوس جانە ميانمادان كەلەتىن تاۋارلارعا 40% كولەمىندە تاريف ەنگىزىلەدى.

اقش پرەزيدەنتى وسى ەلدەردىڭ باسشىلىعىنا جولداعان بىردەي ماتىندەگى حاتتاردى TRUTH Social الەۋمەتتىك جەلىسىندە جاريالادى.

«بىزدە قازاقستانمەن ساۋدا قاتىناستارىمىزدى تالقىلاۋعا بىرنەشە جىل بولدى جانە وسى ۋاقىت ىشىندە ءبىز تاريفتىك جانە بەيتارافتىق ساياسات پەن ساۋدا كەدەرگىلەرى سالدارىنان قالىپتاسقان ۇزاقمەرزىمدى ءارى تۇراقتى ساۋدا تاپشىلىقتارىنان باس تارتۋىمىز قاجەت دەگەن قورىتىندىعا كەلدىك. وكىنىشكە قاراي, ءبىزدىڭ قاتىناستارىمىز ءوزارا تەڭ دارەجەدە ەمەس. 2025 جىلدىڭ 1 تامىزىنان باستاپ, ءبىز قازاقستاننان اقش-قا كەلەتىن بارلىق تاۋارلارعا, سالالىق تاريفتەردەن بولەك, 25% كولەمىندە تاريف ەنگىزەمىز. جوعارى تاريفتەردەن جالتارۋ ماقساتىندا ترانزيتپەن اكەلىنگەن تاۋارلار دا وسى جوعارى تاريفپەن سالىقتاناتىن بولادى», – دەلىنگەن ترامپتىڭ قاسىم-جومارت توقاەۆقا جولداعان حاتىندا.

حابارلامادا اتاپ وتىلگەندەي, بۇل باج اقش اۋماعىندا تاۋار وندىرەتىن كومپانيالارعا قاتىستى بولمايدى.