Tramp Qazaqstannyń barlyq taýaryna 25% baj engizdi

AQSh prezıdenti Donald Tramp Qazaqstan, Japonııa, Ońtústik Koreıa jáne Malaızııadan keletin barlyq taýarǵa 25% kóleminde tarıf engizetinin jarııalady, dep habarlaıdy Qandastar.kz.

Ońtústik Afrıka Respýblıkasynan keletin ımportqa 30%, al Vetnam, Laos jáne Mıanmadan keletin taýarlarǵa 40% kóleminde tarıf engiziledi.

AQSh prezıdenti osy elderdiń basshylyǵyna joldaǵan birdeı mátindegi hattardy TRUTH Social áleýmettik jelisinde jarııalady.

«Bizde Qazaqstanmen saýda qatynastarymyzdy talqylaýǵa birneshe jyl boldy jáne osy ýaqyt ishinde biz tarıftik jáne beıtaraftyq saıasat pen saýda kedergileri saldarynan qalyptasqan uzaqmerzimdi ári turaqty saýda tapshylyqtarynan bas tartýymyz qajet degen qorytyndyǵa keldik. О́kinishke qaraı, bizdiń qatynastarymyz ózara teń dárejede emes. 2025 jyldyń 1 tamyzynan bastap, biz Qazaqstannan AQSh-qa keletin barlyq taýarlarǵa, salalyq tarıfterden bólek, 25% kóleminde tarıf engizemiz. Joǵary tarıfterden jaltarý maqsatynda tranzıtpen ákelingen taýarlar da osy joǵary tarıfpen salyqtanatyn bolady», – delingen Tramptyń Qasym-Jomart Toqaevqa joldaǵan hatynda.

Habarlamada atap ótilgendeı, bul baj AQSh aýmaǵynda taýar óndiretin kompanııalarǵa qatysty bolmaıdy.