Tramp pen Pýtın taǵy da telefon arqyly tildesti

Bul týraly Reseı prezıdentiniń kómekshisi Iýrıı Ýshakov málimdedi. Onyń sózinshe, qos prezıdent arasyndaǵy áńgime shamamen 40 mınýtqa sozylǵan, dep habarlaıdy Qandastar.kz

– Búgin, jarty saǵat ǵana buryn AQSh prezıdentiniń bastamasymen Vladımır Pýtın men Donald Tramp arasynda telefon arqyly áńgime ótti, – dedi Ýshakov BAQ ókilderine.

AQSh basshysy Pýtınge Aq úıde ótken kelissózder qorytyndysy týraly baıandaǵan. Sóz arasynda Ýkraına prezıdenti Vladımır Zelenskıımen jáne Eýropa elderiniń kóshbasshylarymen júrgizilgen kezdesýdiń mán-jaıymen bólisken.

Iýrıı Ýshakov kelesi jaıttardy atap ótti:

– Qos prezıdent Ýkraına men Reseı delegaııalary arasyndaǵy tikeleı kelissózderdi jalǵastyrýdy qoldaıtynyn bildirdi;

– Taraptar kelissózderde Máskeý men Kıevtiń ókildik deńgeıin arttyrý múmkindigin qarastyrý ıdeıasyn talqylady;

– Eki eldiń basshylary Ýkraına máselesi jáne ózge de taqyryptar boıynsha baılanysty úzbeı jalǵastyrýǵa ýaǵdalasty.

Sondaı-aq, Pýtın Alıaskada ótken kezdesý barysynda kórsetilgen qonaqjaılyq úshin Trampqa alǵysyn aıtqan.

Eske salaıyq, Tramptyń Zelenskıımen jáne eýropalyq kóshbasshylarmen kezdesýi dúısenbide Aq úıde ótti.

Kezdesýge NATO Bas hatshysy Mark Rıýtte, Eýropa komıssııasynyń tóraǵasy Ýrsýla fon der Lıaıen, Ulybrıtanııa premer-mınıstri Kır Starmer, Franııa prezıdenti Emmanýel Makron, Germanııa kanleri Frıdrıh Mer, Fınlıandııa prezıdenti Aleksandr Stýbb, Italııa premeri Djordja Melonı jáne Ýkraına prezıdenti Vladımır Zelenskıı qatysqan.

Tramp bul kelissózderdi «óte nátıjeli» dep baǵalap, Ýkraınaǵa qaýipsizdik kepildikterin berý máselesi talqylanǵanyn Pýtınge aıtyp bergen.