ترامپ پەنتاگوننىڭ اتىن «سوعىس مينيسترلىگى» دەپ وزگەرتپەك

اقش پرەزيدەنتى دونالد ترامپ پەنتاگوننىڭ اتاۋىن «سوعىس مينيسترلىگى» دەپ وزگەرتۋ تۋرالى جارلىققا قول قويادى. بۇل تۋرالى Fox News اق ءۇيدىڭ شەنەۋنىگىنە سىلتەمە جاساپ جاريالادى, دەپ حابارلايدى Qandastar.kz.

اقپاراتقا سايكەس, قۇجاتتا «سوعىس مينيسترلىگى» اتاۋى قورعانىس مينيسترلىگىنىڭ قوسىمشا رەسمي اتاۋى رەتىندە ەنگىزىلمەك. سونداي-اق ۆەدومستۆو باسشىسى ءۇشىن «سوعىس ءمينيسترى» اتاۋى دا قولدانىلادى. قازىرگى ۋاقىتتا پەنتاگوندى پيت حەگسەت باسقارادى.

بۇعان دەيىن The Wall Street Journal اق ۇيدە ترامپتىڭ ەكىنشى مەرزىمىنىڭ العاشقى كۇندەرىنەن باستاپ پەنتاگون مەن ونىڭ باسشىسىنىڭ اتاۋىن وزگەرتۋگە قاتىستى «زاڭنامالىق ۇسىنىستار» دايىندالا باستاعانىن جازعان. باسىلىم مالىمەتىنشە, بۇل وزگەرىستەردى كونگرەسس ماقۇلداۋىنسىز جۇزەگە اسىرۋ جولدارى قاراستىرىلىپ جاتىر.