ترامپ پۋتينمەن كەلىسسوزدەردەن دە ماڭىزدى كەزدەسۋدى اتادى

ترامپ مۇنى اق ۇيدە جۋرناليستەرگە بەرگەن سۇحباتىندا ايتتى.

«ەرتەڭ پۋتينمەن كەزدەسۋىمىز بار. بىراق ودان دا ماڭىزدىسى پۋتين, زەلەنسكي ۇشەۋمىزدىڭ كەزدەسۋىمىز بولماق. كەيبىر ەۋروپالىق كوشباسشىلاردى شاقىرۋىمىز دا, شاقىرماۋىمىز دا مۇمكىن», – دەدى ترامپ.

ترامپ كەلىسسوزدىڭ «وتە قىزىق” بولاتىنىن ايتتى. سونداي-اق ول كەزدەسۋدەتاراپتاردىڭ ۇستانىمىن جانە بىتىمگە كەلۋ پەرسپەكتيۆالارى بار-جوعىن انىقتاۋدى جوسپارلاپ وتىر.

«العاشقى ەكى, ءۇش, ءتورت نەمەسە بەس مينۋتتىڭ ىشىندە, كەزدەسۋدىڭ جاقسى ءيا جامان وتەتىنىن انىقتاۋعا بولادى», – دەدى ترامپ.

اقش پرەزيدەنتى كەزدەسۋ ناشار بولسا, ونىڭ تەز اياقتالاتىنىن, ال جاقسى وتسە, جاقىن ارادا بەيبىتشىلىككە ورنايتىنى جەتكىزدى.