ترامپ پۋتينمەن كەزدەسەتىنىن حابارلادى

رەسپۋبليكاشىل 2025 جىلدىڭ 9 قاڭتارىندا Fox News ارناسىندا مار-ا-لاگوداعى (فلوريدا) رەزيدەنتسياسىندا سويلەگەن سوزىندە رەسەي پرەزيدەنتىمەن كەزدەسۋگە دايىندىق تۋرالى حابارلادى.

«ول (ۆلاديمير پۋتين. – رەد.) كەزدەسۋدى قالايدى, ءبىز ونى ۇيىمداستىرىپ جاتىرمىز… پرەزيدەنت پۋتين كەزدەسۋدى قالايدى, ول بۇل تۋرالى ءتىپتى كوپشىلىك الدىندا مالىمدەدى», — دەدى دونالد ترامپ رەسپۋبليكالىق گۋبەرناتورلارمەن كەزدەسۋ الدىندا.

2024 جىلدىڭ قاراشاسىندا باق ترامپ پەن پۋتين تەلەفون ارقىلى سويلەسىپ, ۋكرايناداعى قاقتىعىستى بەيبىت جولمەن شەشۋدى تالقىلاعانىن حابارلادى. بىراق كەيىنىرەك رەسەي پرەزيدەنتىنىڭ ءباسپاسوز حاتشىسى دميتري پەسكوۆ ەكى پرەزيدەنتتىڭ سويلەسكەنى تۋرالى اقپاراتتى جوققا شىعاردى. ول سايلاۋدا جەڭىسكە جەتكەن ۆلاديمير پۋتين مەن اقش پرەزيدەنتى دونالد ترامپتىڭ اراسىنداعى بايلانىستاردىڭ ناقتى جوسپارى ازىرگە جوق ەكەنىن ايتتى.

كرەمل سايتىندا جاريالانعان اقپاراتقا سايكەس, ۆلاديمير ءپۋتيننىڭ دونالد ترامپپەن سوڭعى تەلەفون سويلەسۋى 2020 جىلدىڭ شىلدەسىندە بولعان.