«ترامپ تاريحتا اقىماق رەتىندە قالادى» — دوسىم ساتپاەۆ

فوتو:توتال.كز

ساياساتتانۋشى دوسىم ساتپاەۆ اقش پەن ۋكراينا كوشباسشىلارىنىڭ اق ۇيدەگى سوڭعى كەزدەسۋىن تالدادى, دەپ حابارلايدى qandastar.kz

دوسىم ساتپاەۆتىڭ پىكىرىنشە, كەز كەلگەن ماڭىزدى ساياسي وقيعانى تالداعاندا ونى ۇزاق مەرزىمدى پەرسپەكتيۆادا – 30-50 جىل اياسىندا باعالاۋ قاجەت. سوندىقتان, ساياساتتانۋشىنىڭ ويىنشا, بۇل جاعدايدا جەڭىلگەن تاراپ دونالد ترامپ بولماق.

«ەگەر ۋكراينا اقش-تىڭ قولداۋىنسىز دا ۇزاق ۋاقىت بويى اگرەسسياعا تويتارىس بەرە السا, ترامپ تاريحتا قاراپايىم نارسەنى تۇسىنبەگەن اقىماق رەتىندە قالادى. كەيبىر ساراپشىلار اتاپ وتكەندەي, شارتتاردى تەك بەرىلۋگە دايىن تاراپقا عانا قويۋعا بولادى. ال ۋكراينا مۇنداي قادامعا بارماق ەمەس. بۇل – اقش كومەگىنسىز “تاليبان” قوزعالىسىنان قاشقان اۋعانستاننىڭ بۇرىنعى پرەزيدەنتى اشراف عاني ەمەس.

Dalanews.kz حابارلاعانداي,      ءتىپتى ەڭ قولايسىز جاعدايدا ۋكراينا قازىرگىگە قاراعاندا قيىن احۋالعا تاپ بولعان كۇننىڭ وزىندە, ترامپ ءبارىبىر تاريحتا اقىماق ساياساتكەر رەتىندە قالماق. بۇل ۇلىبريتانيانىڭ بۇرىنعى پرەمەر-ءمينيسترى نەۆيلل چەمبەرلەننىڭ تاعدىرىنا ۇقساس بولار ەدى. ول حح عاسىردىڭ 30-جىلدارى ميۋنحەن كەلىسىمىنە قاتىسىپ, گەرمانياعا چەحوسلوۆاكيانىڭ سۋدەت وبلىسىن “بەرۋ” ارقىلى سوعىستىڭ الدىن العىسى كەلدى. بىراق بۇل قاتە شەشىم ەكەنىن تاريح كورسەتتى.

اقىر سوڭىندا, ءبىر افوريزمدە ايتىلعانداي: “بىرەۋ تاريحقا كىرەدى, ال بىرەۋ وعان بىلعانادى!”. چەرچيلل تاريحقا ەندى. چەمبەرلەن بىلعاندى. ءبىرى ءوز ەلى مەن ادىلدىك ءۇشىن كۇرەستى, ەكىنشىسى ساياسي ۇپاي جيناپ, وتىرىكپەن مامىلە جاساۋعا تىرىستى», – دەپ جازدى دوسىم ساتپاەۆ Facebook-تە.