«Tramp tarıhta aqymaq retinde qalady» — Dosym Sátpaev

Foto:Total.kz

Saıasattanýshy Dosym Sátpaev AQSh pen Ýkraına kóshbasshylarynyń Aq úıdegi sońǵy kezdesýin taldady, dep habarlaıdy qandastar.kz

Dosym Sátpaevtyń pikirinshe, kez kelgen mańyzdy saıası oqıǵany taldaǵanda ony uzaq merzimdi perspektıvada – 30-50 jyl aıasynda baǵalaý qajet. Sondyqtan, saıasattanýshynyń oıynsha, bul jaǵdaıda jeńilgen tarap Donald Tramp bolmaq.

«Eger Ýkraına AQSh-tyń qoldaýynsyz da uzaq ýaqyt boıy agressııaǵa toıtarys bere alsa, Tramp tarıhta qarapaıym nárseni túsinbegen aqymaq retinde qalady. Keıbir sarapshylar atap ótkendeı, sharttardy tek berilýge daıyn tarapqa ǵana qoıýǵa bolady. Al Ýkraına mundaı qadamǵa barmaq emes. Bul – AQSh kómeginsiz “Talıban” qozǵalysynan qashqan Aýǵanstannyń burynǵy prezıdenti Ashraf Ǵanı emes.

Dalanews.kz habarlaǵandaı,      tipti eń qolaısyz jaǵdaıda Ýkraına qazirgige qaraǵanda qıyn ahýalǵa tap bolǵan kúnniń ózinde, Tramp báribir tarıhta aqymaq saıasatker retinde qalmaq. Bul Ulybrıtanııanyń burynǵy premer-mınıstri Nevıll Chemberlenniń taǵdyryna uqsas bolar edi. Ol HH ǵasyrdyń 30-jyldary Mıýnhen kelisimine qatysyp, Germanııaǵa Chehoslovakııanyń Sýdet oblysyn “berý” arqyly soǵystyń aldyn alǵysy keldi. Biraq bul qate sheshim ekenin tarıh kórsetti.

Aqyr sońynda, bir aforızmde aıtylǵandaı: “Bireý tarıhqa kiredi, al bireý oǵan bylǵanady!”. Cherchıll tarıhqa endi. Chemberlen bylǵandy. Biri óz eli men ádildik úshin kúresti, ekinshisi saıası upaı jınap, ótirikpen mámile jasaýǵa tyrysty», – dep jazdy Dosym Sátpaev Facebook-te.