ترامپ: ۋكراينا بويىنشا شەشىم ءپۋتيننىڭ ارەكەتىنە بايلانىستى

اقش پرەزيدەنتى دونالد ترامپ ۋكرايناداعى قاقتىعىستى رەتتەۋ مەرزىمى رەسەي پرەزيدەنتى ۆلاديمير ءپۋتيننىڭ ۇستانىمىنا بايلانىستى بولاتىنىن مالىمدەدى, دەپ حابارلايدى Qandastar.kz ينتەرفاكس اگەنتتىگىنە سىلتەمە جاساپ.

ءباسپاسوز بريفينگىندە سويلەگەن ترامپ ۋكرايناداعى جاعدايدى بەيبىت جولمەن شەشۋ جونىندەگى كەلىسسوزدەردىڭ ناقتى مەرزىمى تۋرالى سۇراققا تىكەلەي جاۋاپ بەرۋدەن باس تارتتى.

بۇل وعان (پۋتينگە – رەد.) بايلانىستى. ءبىز ونىڭ نە ايتاتىنىن كورەمىز, — دەدى اقش پرەزيدەنتى.

سونىمەن قاتار, ترامپ اقش-تىڭ رەسەيمەن جۇمىس ىستەيتىن ەلدەر مەن كومپانيالارعا قايتالاما سانكتسيالار ەنگىزۋ مۇمكىندىگىن قاراستىرىپ جاتقانىن ايتتى.

ودان بولەك, ول رەسەي پرەزيدەنتى ۆلاديمير پۋتينمەن كەزدەسۋ ءۇشىن ۋكراينا پرەزيدەنتى ۆلاديمير زەلەنسكيمەن كەزدەسۋدىڭ قاجەتى جوق ەكەنىن مالىمدەدى.

بۇعان دەيىن دونالد ترامپ پەن ۆلاديمير پۋتيننىڭالداعى اپتادا كەزدەسۋى مۇمكىن ەكەنىن حپبارلاعان.