Tramp úzilis jarııalap, munaı baǵasy quldyraýyn toqtatty

Foto: pixabay

Donald Tramptyń tarıfterge qatysty 90 kúnge «demalys» jarııalaǵany týraly jańalyqtan keıin bir túnde Brent markaly munaıdyń bir barreli 60-tan 65 dollarǵa kóterilip, birneshe kúngi quldyraýdan keıin azdap «basyn tiktedi». Alaıda tańerteń baǵa 64 dollarǵa qaıta azdap tómendedi, dep habarlaıdy qandastar.kz

Naqtyraq aıtqanda, AQSh prezıdenti ózi engizgen jańa tarıfterdi 75 elge qatysty ýaqytsha toqtatty. Olar — Qytaı men Eýropalyq odaq sekildi qarsy shara qabyldamaı, kelissóz júrgizýge daıyn ekendikterin bildirgen elder. Al Qytaı ımporttaryna engizilgen baj salyǵy kún ótken saıyn zoraıyp, 125%-ǵa bir-aq jetti. Buǵan AQSh ákimshiligi «qurmet tanytpaý» jáne Pekınniń shaǵylystyrý tásiline júginýi túrtki ekenin aıtady. Qalaı bolǵanda da naq osy shara álemdik naryqtardaǵy baǵalarǵa, tipti iri korporaııa akııalarynyń qunyna da teris áser etýde. Bul jaıt, ásirese, munaı tabysyna baılanǵan Qazaqstandy da sastyrýda. Keshe keshkisin Memleket basshysy Qasym-Jomart Toqaev Úkimet basshysy men Ulttyq Bank tóraǵasynyń qatysýymen shuǵyl jıyn ótkizdi.  Jıynda álemdik naryqtaǵy tarıftik qaqtyǵystardyń saldarynan energetıka resýrstary jáne negizgi taýarlar baǵasynyń quldyraýyna baılanysty el ekonomıkasynda qalyptasqan ahýal qaraldy. Al Úkimet el damýynyń pessımıstik senarıin ázirleýdi qolǵa aldy. Onda da munaıdyń bir barreli 55-50 dollar bolǵan jaǵdaıda degenge daıyndyq turǵysynda.

Saıasattanýshy Ǵazız Ábishevtiń pikirinshe, munaı baǵasyndaǵy ózgeristerge saýda soǵysy áser etti dep esepteıdi.

«Donald Tramp saýda soǵysyn 90 kúnge toqtatyp qoıdy. Osydan keıin Brent munaıynyń baǵasy birden 64 dollarǵa kóterildi. Sirá, jahandyq saýda soǵysy tym kóp mańyzdy múddelerge áser etken sııaqty», – deıdi saıasattanýshy.

Al ekonomıst Ǵalymjan Aıtqazın munaı baǵasynyń azdap kóterilýi men Tramptyń sońǵy sheshimi ǵalamdyq reessııa qaýip-qateri tómendep, saýda-sattyq aǵyny qalpyna keledi degen úmit otyn tutandyratyn belgili ekenin aıtady.

«Árıne, Tramp jarııalaǵan úzilis kelissózderge múmkindik beredi, biraq jaǵdaıdyń qaıta ýshyǵýyna kepildik bola almaıdy. О́ıtkeni AQSh pen Qytaı arasyndaǵy saýda shıelenisi áli saqtalyp otyr, demek ǵalamdyq ekonomıkaǵa qatysty qaýip-qater de áli tolyǵymen seıilgen joq. Aldaǵy aptada, menińshe, naryqtaǵy jaǵdaılardan góri, kelissózder hattamalary áldeqaıda erekshe ról atqaratyn bolady», — deıdi ol.

Dalanews.kz. habarlaǵandaı, Goldman Sachs Tramptyń tarıfter boıynsha úzilis jarııalaǵany týraly málimdemesinen soń óz boljamyn jarııalady.

«Qazir biz reessııany qarastyrmaıtyn bazalyq boljamymyzǵa qaıta oralýdamyz. Oǵan sáıkes, 2025 jyly JIО́ ósimi — 4Q, ınflıaııa — 3,5%, reessııa yqtımaldylyǵy 45% dep boljanady. Al Federaldy rezerv bazalyq mólsherlemeni 25 bazalyq pýnkten maýsym, shilde, qyrkúıek aılarynda úsh ret qatarynan tómendetýi múmkin», delingen amerıkalyq ınvestıııalyq banki habarlamasynda.

Bul da «álemdik naryqtardaǵy alasapyran basylady» dep kóp kútken úmitti úkileıdi.

Buǵan deıin saıtymyzda «Munaıdyń bir barreli 40 dollarǵa deıin arzandaýy múmkin — Goldman Sachs» atty maqala jarııalanǵan bolatyn.