ترامپقا جاسالعان قاستاندىق, زەلەنسكيدىڭ مالىمدەمەسى, تەل-اۆيۆتەگى جارىلىس: وسى اپتاداعى الەم جاڭالىقتارىنا شولۋ

فوتو: اشىق دەرەككوز

اقش-تىڭ بۇرىنعى پرەزيدەنتى دونالد ترامپتىڭ ومىرىنە جاسالعان قاستاندىق وسى اپتادا الەمدى ءدۇر سىلكىندىردى. سايلاۋالدى ناۋقان كەزىندە بولعان بۇل جاعداي ترامپتىڭ جەڭىسكە جەتۋى مۇمكىندىگىن ارتتىرادى دەيدى ساراپشىلار. رەسەي مەن ۋكراينا اراسىنداعى قاقتىعىس جالعاسۋدا. زەلەنسكي رەسەيدى بەيبىت جولمەن كەلىسىمگە كەلۋگە كوندىرۋ قاجەتتىگىن ايتتى. ال يزرايل گازاداعى سوعىستىڭ جاقىن ارادا بىتەتىنىن مالىمدەدى. Stan.kz ءتىلشىسى الەم جاڭالىقتارىنا اپتالىق شولۋ ۇسىنادى.

دونالد ترامپتىڭ ومىرىنە قاستاندىق جاسالدى

پەنسيلۆانيادا سايلاۋالدى ناۋقانىندا ءسوز سويلەپ جاتقان كەزدە اقش-تىڭ بۇرىنعى پرەزيدەنتى دونالد ترامپتىڭ ومىرىنە قاستاندىق جاسالدى. ناتيجەسىندە ەكى ادام قازا تاپتى, تاعى ەكەۋى اۋىر حالدە اۋرۋحاناعا جەتكىزىلدى.

ترامپقا قاستاندىق جاساعان 20 جاستاعى توماس كرۋكس ەكەنى بەلگىلى بولدى. ول ميتينگ ءوتىپ جاتقان جەرگە جاقىن ورنالاسقان وندىرىستىك عيماراتتىڭ توبەسىنەن وق جاۋدىرعان. BBC-ءتىڭ Verify تەرگەۋ ءبولىمى سنايپەر مەن ترامپ اراسىندا شامامەن 130 مەترشىقتىق بولعانىن ايتادى.

اقش قۇپيا قىزمەتىنىڭ وكىلى توماس كرۋكس بىرنەشە رەت وق جاۋدىرعانىن العا تارتادى. اتۋ بويىنشا ساراپشىنىڭ تالداۋىنا سايكەس اتقىش ەكى رەت وق جاۋدىرعانى, ءبىرىنشى رەتىندە ۇش رەت, ەكىنشى رەتىندە بەس رەت وق اتقانى انىقتالدى.

دجو بايدەن: مۇنداي زورلىق-زومبىلىققا امەريكادا ورىن جوق

اقش پرەزيدەنتى دجو بايدەن ءوزىنىڭ X الەۋمەتتىك جەلىسىندەگى پاراقشاسىندا ترامپ, ونىڭ وتباسى جانە ميتينگكە جينالعانداردىڭ بارلىعى ءۇشىن دۇعادا ەكەنىن ايتتى.

«دجيل (ترامپ) ەكەۋمىز ونىڭ قاۋىپسىزدىگىن قامتاماسىز ەتكەنى ۇشىن قۇپيا قىزمەتكە العىس ايتامىز. مۇنداي زورلىق-زومبىلىققا امەريكادا ورىن جوق», – دەدى بايدەن.

ساراپشىلار: ترامپتىڭ سايلاۋدا جەڭىسكە جەتۋ مۇمكىندىگى ارتتى

ترامپقا جاسالعان قاستاندىق ونىڭ جەڭىسكە جەتۋ مۇمكىندىگىن ارتتىردى دەپ سانايدى بىرنەشە رەسپۋبليكاشىل كونگرەسسمەندەر.

«Politico» گازەتىنىڭ جازۋىنشا, ترامپتىڭ جەڭەتىنىنە پارتيا مۇشەلەرىنىڭ بارلىعى سەنىمدى بولماسا دا, قاستاندىقتان كەيىن ترامپ حالىق تاراپىنان ۇلكەن قولداۋعا يە بولۋى ىقتيمال.

ترامپتىڭ پرەزيدەنتتىك سايلاۋدا جەڭىسكە جەتۋ مۇمكىندىگى 61%-دان 67%-عا ءوستى دەيدى شۆەيتساريالىق Swissquote بانك توبىنىڭ ساراپشىسى يپەك وزكاردەسكايا.

«ترامپقا قاستاندىق جاساۋ ونىڭ سايلاۋالدى ناۋقانىنىڭ نەگىزگى ەلەمەنتى بولادى جانە بايدەندى پرەزيدەنتتىك باسەكەدەن باس تارتۋعا يتەرمەلەۋى مۇمكىن», – دەيدى ساۋديالىق جۋرناليست مامدۋح ءال-مۋحايني.

ونىڭ پىكىرىنشە, وقيعانىڭ ناتيجەسىندە ترامپ پوزيتسياسى كۇشەيىپ, ال بايدەننىڭ پوزيتسياسى السىرەگەن.

ترامپپەن بولعان وقيعا وعان سايلاۋ دوداسىندا كومەكتەسۋى مۇمكىن ەكەنىن ايتادى پيتتسبۋرگ ۋنيۆەرسيتەتىنىڭ پروفەسسورى دەنيەل كوۆاليك.

“ترامپ بۇل جاعدايدا ءوزىنىڭ كۇشتى ەكەنىن كورسەتىپ, شىعىپ كەتەدى. ال دجو بايدەن السىزدىگىن بايقاتاتىن بولادى”, – دەيدى كوۆاليك.

زەلەنسكي اۋماقتاردى قايتارۋ تۋرالى مالىمدەمە جاسادى

ۋكراينا پرەزيدەنتى زەلەنسكي الەم رەسەيدى كەلىسسوز ۇستەلىنە وتىرۋعا جانە سوعىستى توقتاتۋ مۇمكىندىگىن قاراستىرۋعا سەندىرۋ ءۇشىن قىسىم كورسەتۋ كەرەگىن ايتتى.

«بۇل بارلىق اۋماقتاردى كۇشپەن جاۋلاپ الۋ كەرەك دەگەندى بىلدىرمەيدى. مەنىڭ ويىمشا, ديپلوماتيانىڭ كۇشى كومەكتەسە الادى», – دەيدى ول.

سونىمەن بىرگە, زەلەنسكي رەسەيدىڭ ۇرىس الاڭىنداعى ءالسىز پوزيتسياسى ۋكراينانى كەلىسسوز ۇستەلىندە كۇشتىرەك پوزيتسياعا كەلتىرەتىنىن اتاپ ءوتتى.

يزرايل: گازاداعى قاقتىعىس بىتۋگە جاقىن

يزرايل قورعانىس كۇشتەرى حاماس-تىڭ جاعدايى قيىنداپ بارادى جانە گازا سەكتورىنداعى وپەراتسيا اياقتالۋعا جاقىن دەپ مالىمدەدى.

«گازاداعى حاماس-قا قارسى سوعىستىڭ دا بىتەتىن ۋاقىتى بولادى. كەپىلگەرلەرگە قاتىستى كەلىسىمگە قاراماستان, قاقتىعىستارى جالعاسۋى مۇمكىن. الايدا سوعىستىڭ سوڭى دا الىس ەمەس. حاماس-تىڭ يزرايل اسكەرىنە قارسى تۇرۋى قيىنداپ بارا جاتقانى بەلگىلى», – دەلىنگەن اقپاراتتا.

وعان قوسا يزرايل اسكەرى حاماس-تىڭ نەگىزگى زىمىراندىق قوندىرعىلارى جويىلعانىن مالىمدەدى. الايدا حاماس ءالى دە يزرايلگە, سونىڭ ىشىندە تەل-اۆيۆ پەن يەرۋساليمگە زىمىراندىق شابۋىلدار جاساۋعا قابىلەتتى.

سوڭعى ەكى اپتادا يزرايل تاراپىنىڭ مالىمەتىنشە, حاماس تاعى 1 مىڭ جاۋىنگەرىنەن ايىرىلعان.

تەل-اۆيۆتەگى اقش كونسۋلدىعى جانىندا جارىلىس بولدى

تەل-اۆيۆتە اقش كونسۋلدىعىنىڭ ماڭىندا بولعان پيلوتسىز ۇشاقتىڭ شابۋىلىنان ءبىر ادام قازا تاۋىپ, 10 ادام جارالاندى.

“تۇندە تەل-ءاۆيۆتىڭ ورتالىعىندا جارىلىس بولدى. وقيعا تەرگەلىپ جاتىر. يزرايل اۋە كۇشتەرى ءيزرايلدىڭ اۋە كەڭىستىگىن قورعاۋ ءۇشىن اۋە پاترۋلدەرىن ارتتىردى», – دەپ حابارلادى يزرايل قورعانىس كۇشتەرى.

ءتىنتۋ كەزىندە جارىلىس بولعان جەرگە جاقىن ورنالاسقان پاتەردەن ەر ادامنىڭ ءمايىتى تابىلدى. تاعى ون ادام جەڭىل جاراقاتپەن اۋرۋحاناعا جەتكىزىلدى.

تەل-اۆيۆ مەرى رون حۋلداي قالانىڭ جوعارعى قاۋىپسىزدىك رەجيمىنە وتكەنىن جانە كەز كەلگەن جاعدايعا دايىن ەكەنىن ايتتى.

ءوز كەزەگىندە يەمەندىك حۋسيتتەر جارىلىستى ءوز مويىندارىنا الدى.

بۇل حۋسيتتەردىڭ تەل-اۆيۆكە جاساعان العاشقى ءساتتى شابۋىلى. ولار اقش ەلشىلىگىن جارىپ جىبەرمەك بولعان. يەمەن جاڭا دجاففا ۇشقىشسىز ۇشاعىن پايدالانعان. ونى ەشبىر قورعانىس جۇيەسى بايقاماعان.

الەمدە ءىرى تەحنيكالىق اقاۋ: اۋە رەيستەرى توقتاتىلىپ, تەلەارنالار جۇمىس ىستەمەي قالدى

دۇنيە جۇزىندەگى ءىرى تەحنيكالىق اقاۋ اۋەجايلاردىڭ, بانكتەردىڭ جانە بۇقارالىق اقپارات قۇرالدارىنىڭ جۇمىسىن توقتاتتى.

امەريكانىڭ ءىرى اۋە كومپانيالارى Delta, United Airlines جانە American Airlines-ءتىڭ بارلىق رەيستەرى توقتاتىلعان.

بەرليندە اۋەجاي تەحنيكالىق اقاۋعا بايلانىستى جۇما ساعات 10.00-گە دەيىن جۇمىسىن توقتاتتى.

اۆستراليادا تەحنيكالىق اقاۋ بانكتەرگە, اۋە كومپانيالارىنا جانە بۇقارالىق اقپارات قۇرالدارىنا, سونىڭ ىشىندە ABC ارناسىنا اسەر ەتكەن.

ۇلىبريتانيادا Sky News ارناسى تەحنيكالىق اقاۋلارعا بايلانىستى جۇما كۇنى تاڭەرتەڭ تىكەلەي ەفيرگە شىعا الماعان.

الدىن الا مالىمەت بويىنشا تەحنيكالىق اقاۋعا كيبەرقاۋىپسىزدىك سالاسىندا جۇمىس ىستەيتىن CrowdStrike كومپانياسى دايىنداعان جاڭارتۋ سەبەپ بولعان.