Trampqa jasalǵan qastandyq, Zelenskııdiń málimdemesi, Tel-Avıvtegi jarylys: Osy aptadaǵy álem jańalyqtaryna sholý

Foto: Ashyq derekkóz

AQSh-tyń burynǵy prezıdenti Donald Tramptyń ómirine jasalǵan qastandyq osy aptada álemdi dúr silkindirdi. Saılaýaldy naýqan kezinde bolǵan bul jaǵdaı Tramptyń jeńiske jetýi múmkindigin arttyrady deıdi sarapshylar. Reseı men Ýkraına arasyndaǵy qaqtyǵys jalǵasýda. Zelenskıı Reseıdi beıbit jolmen kelisimge kelýge kóndirý qajettigin aıtty. Al Izraıl Gazadaǵy soǵystyń jaqyn arada bitetinin málimdedi. Stan.kz tilshisi álem jańalyqtaryna aptalyq sholý usynady.

Donald Tramptyń ómirine qastandyq jasaldy

Pensılvanııada saılaýaldy naýqanynda sóz sóılep jatqan kezde AQSh-tyń burynǵy prezıdenti Donald Tramptyń ómirine qastandyq jasaldy. Nátıjesinde eki adam qaza tapty, taǵy ekeýi aýyr halde aýrýhanaǵa jetkizildi.

Trampqa qastandyq jasaǵan 20 jastaǵy Tomas Krýks ekeni belgili boldy. Ol mıtıng ótip jatqan jerge jaqyn ornalasqan óndiristik ǵımarattyń tóbesinen oq jaýdyrǵan. BBC-tiń Verify tergeý bólimi snaıper men Tramp arasynda shamamen 130 metrshyqtyq bolǵanyn aıtady.

AQSh qupııa qyzmetiniń ókili Tomas Krýks birneshe ret oq jaýdyrǵanyn alǵa tartady. Atý boıynsha sarapshynyń taldaýyna sáıkes atqysh eki ret oq jaýdyrǵany, birinshi retinde úsh ret, ekinshi retinde bes ret oq atqany anyqtaldy.

Djo Baıden: Mundaı zorlyq-zombylyqqa Amerıkada oryn joq

AQSh prezıdenti Djo Baıden óziniń X áleýmettik jelisindegi paraqshasynda Tramp, onyń otbasy jáne mıtıngke jınalǵandardyń barlyǵy úshin duǵada ekenin aıtty.

«Djıl (Tramp) ekeýmiz onyń qaýipsizdigin qamtamasyz etkeni úshin Qupııa qyzmetke alǵys aıtamyz. Mundaı zorlyq-zombylyqqa Amerıkada oryn joq», – dedi Baıden.

Sarapshylar: Tramptyń saılaýda jeńiske jetý múmkindigi artty

Trampqa jasalǵan qastandyq onyń jeńiske jetý múmkindigin arttyrdy dep sanaıdy birneshe respýblıkashyl kongressmender.

«Politico» gazetiniń jazýynsha, Tramptyń jeńetinine partııa músheleriniń barlyǵy senimdi bolmasa da, qastandyqtan keıin Tramp halyq tarapynan úlken qoldaýǵa ıe bolýy yqtımal.

Tramptyń prezıdenttik saılaýda jeńiske jetý múmkindigi 61%-dan 67%-ǵa ósti deıdi shveıarııalyq Swissquote bank tobynyń sarapshysy Ipek Ozkardeskaıa.

«Trampqa qastandyq jasaý onyń saılaýaldy naýqanynyń negizgi elementi bolady jáne Baıdendi prezıdenttik básekeden bas tartýǵa ıtermeleýi múmkin», – deıdi saýdııalyq jýrnalıst Mamdýh ál-Mýhaını.

Onyń pikirinshe, oqıǵanyń nátıjesinde Tramp pozıııasy kúsheıip, al Baıdenniń pozıııasy álsiregen.

Tramppen bolǵan oqıǵa oǵan saılaý dodasynda kómektesýi múmkin ekenin aıtady Pıttsbýrg ýnıversıtetiniń professory Denıel Kovalık.

“Tramp bul jaǵdaıda óziniń kúshti ekenin kórsetip, shyǵyp ketedi. Al Djo Baıden álsizdigin baıqatatyn bolady”, – deıdi Kovalık.

Zelenskıı aýmaqtardy qaıtarý týraly málimdeme jasady

Ýkraına prezıdenti Zelenskıı álem Reseıdi kelissóz ústeline otyrýǵa jáne soǵysty toqtatý múmkindigin qarastyrýǵa sendirý úshin qysym kórsetý keregin aıtty.

«Bul barlyq aýmaqtardy kúshpen jaýlap alý kerek degendi bildirmeıdi. Meniń oıymsha, dıplomatııanyń kúshi kómektese alady», – deıdi ol.

Sonymen birge, Zelenskıı Reseıdiń urys alańyndaǵy álsiz pozıııasy Ýkraınany kelissóz ústelinde kúshtirek pozıııaǵa keltiretinin atap ótti.

Izraıl: Gazadaǵy qaqtyǵys bitýge jaqyn

Izraıl qorǵanys kúshteri HAMAS-tyń jaǵdaıy qıyndap barady jáne Gaza sektoryndaǵy operaııa aıaqtalýǵa jaqyn dep málimdedi.

«Gazadaǵy HAMAS-qa qarsy soǵystyń da bitetin ýaqyty bolady. Kepilgerlerge qatysty kelisimge qaramastan, qaqtyǵystary jalǵasýy múmkin. Alaıda soǵystyń sońy da alys emes. HAMAS-tyń Izraıl áskerine qarsy turýy qıyndap bara jatqany belgili», – delingen aqparatta.

Oǵan qosa Izraıl áskeri HAMAS-tyń negizgi zymyrandyq qondyrǵylary joıylǵanyn málimdedi. Alaıda HAMAS áli de Izraılge, sonyń ishinde Tel-Avıv pen Ierýsalımge zymyrandyq shabýyldar jasaýǵa qabiletti.

Sońǵy eki aptada Izraıl tarapynyń málimetinshe, HAMAS taǵy 1 myń jaýyngerinen aıyrylǵan.

Tel-Avıvtegi AQSh konsýldyǵy janynda jarylys boldy

Tel-Avıvte AQSh konsýldyǵynyń mańynda bolǵan pılotsyz ushaqtyń shabýylynan bir adam qaza taýyp, 10 adam jaralandy.

“Túnde Tel-Avıvtiń ortalyǵynda jarylys boldy. Oqıǵa tergelip jatyr. Izraıl áýe kúshteri Izraıldiń áýe keńistigin qorǵaý úshin áýe patrýlderin arttyrdy», – dep habarlady Izraıl qorǵanys kúshteri.

Tintý kezinde jarylys bolǵan jerge jaqyn ornalasqan páterden er adamnyń máıiti tabyldy. Taǵy on adam jeńil jaraqatpen aýrýhanaǵa jetkizildi.

Tel-Avıv meri Ron Hýldaı qalanyń joǵarǵy qaýipsizdik rejımine ótkenin jáne kez kelgen jaǵdaıǵa daıyn ekenin aıtty.

О́z kezeginde ıemendik Hýsıtter jarylysty óz moıyndaryna aldy.

Bul Hýsıtterdiń Tel-Avıvke jasaǵan alǵashqy sátti shabýyly. Olar AQSh elshiligin jaryp jibermek bolǵan. Iemen jańa Djaffa ushqyshsyz ushaǵyn paıdalanǵan. Ony eshbir qorǵanys júıesi baıqamaǵan.

Álemde iri tehnıkalyq aqaý: Áýe reısteri toqtatylyp, telearnalar jumys istemeı qaldy

Dúnıe júzindegi iri tehnıkalyq aqaý áýejaılardyń, bankterdiń jáne buqaralyq aqparat quraldarynyń jumysyn toqtatty.

Amerıkanyń iri áýe kompanııalary Delta, United Airlines jáne American Airlines-tiń barlyq reısteri toqtatylǵan.

Berlınde áýejaı tehnıkalyq aqaýǵa baılanysty juma saǵat 10.00-ge deıin jumysyn toqtatty.

Avstralııada tehnıkalyq aqaý bankterge, áýe kompanııalaryna jáne buqaralyq aqparat quraldaryna, sonyń ishinde ABC arnasyna áser etken.

Ulybrıtanııada Sky News arnasy tehnıkalyq aqaýlarǵa baılanysty juma kúni tańerteń tikeleı efırge shyǵa almaǵan.

Aldyn ala málimet boıynsha tehnıkalyq aqaýǵa kıberqaýipsizdik salasynda jumys isteıtin CrowdStrike kompanııasy daıyndaǵan jańartý sebep bolǵan.