“ترامپتىڭ قايتىس بولعانى تۋرالى قاۋەسەت قانشالىقتى راس?” — اق ءۇي شۇعىل مالىمدەمە جاسادى

اقش-تا دونالد ترامپتىڭ قايتىس بولدى دەگەن قاۋەسەت جەلىنى دۇرلىكتىردى, دەپ جازادى qandastar.kz

الەۋمەتتىك جەلى قولدانۋشىلارى بىرنەشە كۇن بويى بۇرىنعى پرەزيدەنتتىڭ جاعدايىنا قاتىستى ءتۇرلى بولجامدار جاساپ, ونىڭ دەنساۋلىعىنا كۇمان كەلتىرگەن.  الايدا, اق ءۇي ترامپتىڭ دەنساۋلىعىنا قاتىستى تاراعان قاۋەسەتتەردى جوققا شىعارىپ, ونىڭ ءوز-ءوزىن جاقسى سەزىنەتىنىن مالىمدەدى.. اكىمشىلىك وكىلدەرى ونىڭ دەنساۋلىعىنا الاڭدايتىن ەش نەگىز جوق ەكەنىن ايتتى. ءتىپتى, ءانونيمدى دەرەككوز رەتىندە بەرگەن حابارلامادا, ترامپ تاڭەرتەڭگى گولف ويناۋدى ۇزبەگەن.

Alash.kz حابارلاعانداي,   قاۋەسەتتەردىڭ تاراۋىنا ترامپتىڭ سوڭعى كۇندەرى الەۋمەتتىك جەلىلەردە سيرەك كورىنۋى سەبەپ بولعان. سونداي-اق جۇرت ونىڭ قولىندا كوگەرگەن ىزدەردىڭ بايقالاتىنىن ءجيى تالقىلاعان.

بۇل ماسەلە بويىنشا اق ءۇيدىڭ رەسمي تۇسىنىكتەمەسى دە بەرىلدى. 17 شىلدەدە ءباسپاسوز حاتشىسى كەرولاين لەۆيتت دارىگەرلەردىڭ پرەزيدەنتكە “سوزىلمالى ۆەنوزدىق جەتكىلىكسىزدىك” دياگنوزىن قويعانىن حابارلادى. ونىڭ ايتۋىنشا, ترامپتىڭ اياقتارىندا ءىسىنۋ پايدا بولىپ تۇرادى, ال قولىنداعى ۇساق كوگەرۋلەر ءجيى قول الىسىپ امانداسۋىنان جانە ءدارى-دارمەك قابىلداۋىنا بايلانىستى شىعادى.