ترانسگەندەر دەپ ايىپتالعان يمان حەليف پاريج وليمپياداسىنىڭ التىن جۇلدەگەرى بولدى

فوتو: اشىق دەرەككوز

ترانسگەندەر دەپ ايىپتالعان الجيرلىك بوكسشى يمان حەليف پاريج وليمپياداسىنىڭ چەمپيونى اتاندى. بۇل تۋرالى Stan.kz اقپارات اگەنتتىگى حابارلايدى.

ايەلدەر اراسىندا 66 كەلىگە دەيىنگى سالماق دارەجەسىندە ونەر كورسەتكەن بوكسشى التىن مەدال يەلەندى. ول وليمپيادا ويىندارىنىڭ فينالىندا قىتايلىق يان ليۋدەن باسىم ءتۇستى. تورەشىلەر ءبىراۋىزدان جەڭىستى الجيرلىك بوكسشىعا بەردى.

ايتا كەتەيىك, يمان حەليفتىڭ پاريج وليمپياداسىنداعى العاشقى جەكپە-جەگى مەرزىمىنەن بۇرىن اياقتالعان بولاتىن, ويتكەنى يتالياندىق اندجەلا كاريني جەكپە-جەكتى جالعاستىرۋدان باس تارتتى.

جارتىلاي فينالدا حەليف 5-0 ەسەبىمەن تايلاندتىق دجاندجاي سۋۆانناپحەنگتى جەڭدى.

حەليفتىڭ وليمپياداعا قاتىسۋىنىڭ ءوزى سان الۋان پىكىر تۋىنداتتى, ويتكەنى ول 2023 جىلى ايەلدەر اراسىنداعى بوكستان الەم چەمپيوناتىندا گەندەرلىك تەست سىناعىنان وتە الماي, جارىستان شەتتەتىلگەن ەدى.

ەسكە سالساق, بۇعان دەيىن يمان حەليف ترانسگەندەر دەپ ايىپتالعان بولاتىن. الايدا سپورتشىنىڭ اكەسى يمان حەليف ونىڭ تۋ تۋرالى كۋالىگىن كورسەتىپ, بيولوگيالىق قىز ەكەنىن دالەلدەدى