«Tuǵyr bireý, qalǵany tireý bolady»: Qoǵam qaıratkeri úsh tuǵyrly til uǵymyna qarsy shyqty (VIDEO)

Foto: ashyq derekkóz

Memleket jáne qoǵam qaıretkeri, til janashyry Orazkúl Asanǵazy Qasqa Jol YouTube arnasynda qonaqta bolyp, birneshe túıitkildi máseleniń túıinin tarqatty, — dep habarlaıdy qandastar.kz   Qazaq Today aqparat portalyna silteme jasap.

Orazkúl Asanǵazyqyzy «Qazaq coffee» kofehanasymen bolǵan jaǵdaıǵa qatysty pikir bildirdi. Til janashyry halyqtyń qazaq tilin osylaı talap etýin qos qoldap qoldaıtynyn aıtty. Sonymen qatar, ózgeristi ár adam ózinen bastaý kerek ekenin jetkizdi.

«Muhtar Shahanovtyń bir sózi bar: «orys tili esh jerde shektelip jatqan joq, biraq shettetilip jatyr degen aryzdar jazady. Al qazaq tili esh jerge qoldanysqa engen joq, biraq enbeı jatyr dep eshkim aryzdanbaıdy», degen. Sol sııaqty óz tilimizdi talap etý úshin bizge zań kerek joq, bári ózimizge baılanysty. Ana sútimen kelgen ana tilimiz ǵoı. Qazir Qúdaıǵa shúkir qansha páterlik úı bolsa, sonsha qazaq turady. Ár adam óz úıiniń astyndaǵy dámhanadan qazaq tilinde mázir men qazaqsha qyzmet etýdi surasa, ózgeris bolady. Tipti ózge ult ókilderi de qazaq tilin meńgerip aldy, olarǵa eshqandaı ókpe joq. Ár adam keregin qazaq tilinde surasa, tilimiz ózdigen qoldanysqa enip ketedi», — dedi til janashyry.

Qoǵam qaıratkeri Qazaqstan táýelsizdigin alǵannan keıin neden qateleskenin de ashyp aıtty. Sondaı-aq bılik basyndaǵylarǵa úndeý joldady.

«Keńes odaǵynyń kezinde orys tili keremet degen qaǵıdany mıyna quıyp alǵan halyq oıanýy kerek. Qazaq eki nársesine ıe bolýy tıis. Onyń bireýi — til, ekinshisi — din. О́kinishke qaraı, biz osy tusta qatelestik. Úsh tuǵyrly til dedik. Al tuǵyr bireý bolady. Bir til tuǵyr, qalǵany tireý bolady. Al biz tildi úshke bóldik, dindi júzge bóldik. Dinimizdiń birneshe bólikke bólingenin keshegi «Qańtar oqıǵasy» kórsetti. Japon, túrik, aǵylshyn, franýz tili sııaqty qazaq tiliniń de jahandaný zamanyna kirýge qaqysy bar. Bılik basyndaǵylarǵa aıtarym bizde bar tildi, baı tildi, beıneli tildi eshkimnen kem qylmaı qoldanysqa engizýdi qolǵa alý kerek», — deıdi Orazkúl Asanǵazy.