«Tuqym alǵysh bolsańdar, akademık Asqar Jumadildaev sekildi azamattardan tuqym alyp qalsańyzdarshy» – О́mir Shynybekuly

Foto: ALASH.KZ 

«Sport kerek, árıne. Eldostyń jeńisi bárimiz úshin maqtanysh. Biraq «Bilimdi myńdy jyǵatyn» zamanda ulttyń genofondy Asqar Jumadildaev sekildi azamattardan quralýy tıis». Bul pikirdi belgili ustaz, tarıhshy О́mir Shynybekuly ALASH.KZ ulttyq portalyna bergen suhbatynda aıtty.

«Tuqym alǵysh bolsańdar, akademık Asqar Jumadildaev sekildi azamattardan tuqym alyp qalsańyzdarshy. Sport kerek, árıne. Eldostyń jeńisi bárimiz úshin maqtanysh. Biraq «Bilimdi myńdy jyǵatyn» zamanda ulttyń genofondy Asqar Jumadildaev sekildi azamattardan quralýy tıis. Qazir bizde ǵalymdardan góri óner adamdary, toı ánshileri áldeqaıda baı-qýatty turady. Sportshylardyń da jaǵdaıy jaman emes. Olımpıadada altyn alǵany úshin sportshylarǵa qomaqty aqsha beriletinin bilemiz. Áleýmettik jelidegi daý-damaı áli alda. Sol kezde de túrli pikirler týyndaıdy. Elimizde tehnıka, jaratylystaný ǵylymdary kenjelep qalǵan. Balalar da bul mamandyqtardy sırek tańdaıdy. Sondyqtan bizge ǵylymnyń osy salalaryn kóbirek nasıhattaý kerek. О́ndirisimiz damysyn desek, tehnık, matematık, fızık, hımık ǵalymdarymyzdy kóbirek dáriptep, olarǵa barlyq jaǵdaıdy jasaýymyz qajet. Jastar osy mamandyqtarǵa qyzyǵatyndaı, ǵylymǵa umtylatyndaı barynsha qoldaý kórsetýimiz qajet. Bul eldiń bolashaǵy úshin óte mańyzdy. Árıne, sportshylarymyzdy maqtan tutýymyz qajet. Olar da elimiz úshin óte mańyzdy. Biraq, ǵalymdardy da umytpaýymyz kerek. Jýyrda áleýmettik jeliden 90 jasqa taıap qalǵan tehnıka ǵylymdarynyń doktory, professor ájeıdi sot oryndaýshylary óz úıinen shyǵaryp jibergen vıdeony kórip, júregim aýyryp, janym kúızeldi. Kezinde qanshama ınjener mamandy tárbıelep shyǵarǵan sol kisi qazir qartaıǵan shaǵynda eshkimge kerek bolmaı, balalarynyń qateliginen úısiz qaldy. Biz mundaı jaǵdaıǵa jol bermeýimiz kerek», – dedi О́mir Shynybekuly.

Esterińizge sala keteıik, kúni keshe BAQ keńistiginde belgili sport jýrnalısi Nesip Júnisbaevtyń Olımpıada chempıony Eldos Smetovke materıaldyq dúnıe syılaı bergendi toqtatyp, onyń ornyna «Eldosta 30 ul men 40 qyz bolýy kerek. Mundaı asyl jigittiń urpaǵy mol bolýǵa tıis. Mal baılyq emes, urpaq baılyq» degen pikiri taralyp, qyzý talqylanǵan bolatyn.