«Tuqymyńmen qurtam dep qorqytty»: Janar Aıjanova jelide taraǵan fotosyna qatysty pikir bildirdi

Foto: ashyq derekkóz

Belgili ánshi Janar Aıjanova Talǵardaǵy qylmystyq toptyń basshysy dep júrgen adammen birge túsken sýretine túsinikteme berip, oǵan jelide áldekimder býllıng jasap júrgenin aıtty, dep habarlaıdy Qandastar.kz Azattyq Rýhy saıtyna silteme jasap.

«Hasan degen bále boldy. Jelkemnen kelip sýretke túsken eken kezinde. Men endi arqamnan kelip sýretke túsken adamdarǵa jaýap bermeımin ǵoı. Mańdaıynda ne dep jazýly turǵanyn qaıdan bileıin. Sýretke tússek osy, túspese, kókirek dep taǵy aıtasyńdar. Intervıý berip saırap otyrǵan Hasandy qudiretteriń jetse, baryp qol-aıaǵyn baılap, aldyma alyp kelińdershi. Men oǵan da aıtatynymdy aıtamyn. Úsh qaınasa sorpasy qosylmaıtyn Hasannyń maǵan ne qatysy bar? Sender aıtqannan keıin bilip jatyrmyn onyń Hasan ekenin. Bir tompıǵan bala artymda tur. Ol qaı jyly, qaı jerde túsken sýret ekenin Qudaı biledi. Qasynda taǵy basqa da ánshiler otyr», — dedi Janar Aıjanova.

Osylaısha ánshi Talǵardaǵy qandy oqıǵadan keıin ózine negatıv pikir jazatyndardyń kóbeıgenin aıtqan. Janar Aıjanova sol adamnyń ústinen aryz jazyp, elge kórsetemin deıdi.

Janar Aıjanova óziniń inisin 12 jyl buryn ataqty kisilerdiń óltirip ketkenin aıtyp, Sherzattyń jaqyndarynyń jaǵdaıyn túsinemin deıdi.

«Maǵan bir áıel jazypty, «úıińdegi áldeqandaı qylyp ósirip otyrǵan nemereńdi ósken kezde bandıtter baýyzdap óltirsin, men sony tileımin» depti. Sonda sender qandaı anasyńdar? Aýyzdaryńa kelgendi ottap jatyrsyńdar. Qyzymdy jerden alyp, jerge salyp jatyr. Men eshkimge eshteńe degen joqpyn ǵoı. Men mundaı nárseni jaqsy túsinemin. 12 jyl buryn meniń de inimdi óltirip ketken. Ataqty adamdar eken, istemegenderi joq. Men eshkimdi shýlatqan joqpyn ǵoı. О́zim sheshtim. Meni de tuqymyńmen qurtam dep qorqytqan. Bireýdiń balasyna ólim tilep otyrǵandar: solardan qaı jerleriń artyq? Men eshkimniń otbasyna aralaspaımyn. Ne isteısińder maǵan?», — dedi ol.

Eske salaıyq, 4 qazan kúni Talǵar qalasynda bolǵan qaıǵyly jaǵdaı qoǵamda úlken rezonans týdyrdy. 16 jastaǵy Sherzattyń ólimine qatysty is Ishki ister mınıstriniń jeke baqylaýynda. Keıin marqumnyń otbasy turatyn úıdi órtep jiberdi.