«Túnde jylap kómek surady, tańerteń qazasy týraly estidik»: Qaraǵandyda 28 jastaǵy kelinshektiń otbasy onyń óz-ózine qol jumsaǵanyna senbeıdi

Sýrette Dınara/Ásel Turdyqulovanyń jeke arhıvi

Qaraǵandyda 28 jasynda kóz jumǵan Dınara Meńbaevanyń týystary onyń óz-ózine qol jumsaǵanyna senbeıdi. Olardyń aıtýynsha, Dınara sol túni ata-anasyna habarlasyp, kúıeýiniń urǵanyn, ajyrasqysy keletinin jetkizip, alyp ketýlerin ótingen, dep jazady qandastar.kz

Alaıda kelesi kúni otbasy qyzdarynyń asylyp qalǵany týraly habar estigen. Redakııamyzǵa júgingen Dınaranyń sińlisi Ásel Turdyqulovanyń aıtýynsha, bul iske jezdesiniń tikeleı qatysy bolýy múmkin. Sebebi ol buǵan deıin de Dınaraǵa qol kóterip kelgen eken. Ásel Stan.kz tilshisine bolǵan jaı týraly baıandap berdi.

Apaly-sińli Dınara men Ásel Shymkent qalasynda týǵan. Dınara Túrkistan oblysynyń Saryaǵash qalasyna turmysqa shyqqan eken. Alaıda keıin jubaıynyń jumysyna baılanysty Qaraǵandy qalasyna kóshken.

“Týǵan ápkem Dınara jalpy medıına mamandyǵynda 7 jyl oqyp bitirdi. Alaıda turmysqa shyqqan soń balamen dekrette otyryp jumys istep úlgermedi. Qazir ápkemniń artynda eki kishkentaı ul balalary qaldy. Tuńǵyshy úsh jastan asqan, ekinshisi bir jarym jasta. Jezdem Qaraǵandyda altyn shyǵaratyn zaýyt zerthanasynda jumys isteıdi. Ol basynda bizge jaıly, sabyrly adam bolyp kórinetin. 1,5 jyldaı ápkem ekeýi jaqsy, tatý turdy. Keıin aralarynda urys-kerister bastaldy. Ápkem jezdem týraly “sender onyń túrine qarap, jaqsy, sabyrly dep oılaısyńdar, barlyǵyń senip qalasyńdar. Biraq bar ónerin maǵan kórsetedi” dep aıtatyn. Vıdeo arqyly habarlasqanymyzda enesimen qarym-qatynasy da nashar ekenin jetkizetin. Aıtýynsha, enesinen bólek tursa da ol únemi ulyn qyzǵanyp, shaǵystyryp, urys shyǵarady eken”, – dedi marqum Dınaranyń sińlisi Ásel.

“Bárine qyzyńyz kináli, mıymdy jeı beredi”: Ákemiz jezdeme senip qaldy”

Ásel osydan bir jyl buryn ápkesin jezdesi uryp, aralarynda alǵash ret úlken janjal bolǵanyn alǵa tartty.

“Aldyńǵy jyldan bastap ura bastaǵan. Alǵash ret shapalaqpen urǵan. Sol kezde Dınara ashýlanyp, jylap, qurbysynyń úıne ketip qalǵan. Keıin ákemizge habarlasyp, “meni alyp ketińizdershi” dep ótingen. Ákem men inim ony alyp ketti. Degenmen ýaqyt óte kúıeý jaq pen bizdiń jaq “ary qaraı jup retinde jarasyp keter” dep olardy qaıta qosty. Kúıeý jaq ta endi qaıtalanbaıdy, jaqsy qaraımyn dep, keshirimin surady”, – dep qosty ol.

Ásel soǵan qaramastan jaǵdaıdyń qaıtalanǵanyna senimdi. Sebebi ápkesi sońǵy úsh aıda jezdesiniń taǵy qol kóterip júrgenin aıtqan.

“Sáýir aıynda Qaraǵandy qalasyna ápkemniń úıine qydyryp bardym. Negizi Dınara tuıyq minezdi. Maǵan qatty ashyla bermeıtin. Alaıda sol kezde kúıeýiniń keshirim surap áketkennen keıin de urǵany týraly jylap turyp aıtty. Jezdem árdaıym janjalǵa ápkemdi kináli etip qoıady eken. Tipti Shymkentke Dınarany alyp ketýge kelgende ákemizdiń aldynda jylap, ózin kinásiz etip kórsetken. “Bárine qyzyńyz kináli, meniń mıymdy jeı beredi” dep ózin aqtap shyǵarǵan. Ápkem ákemizdiń soǵan senip qalǵanyn aıtyp qaldy”, – dedi ol.

Fotoda Ásel men Dınaranyń jazbasy

“Túnde habarlasyp, alyp ketýin ótindi: Tańerteń qazasy týraly estidik”

Dınaranyń otbasy 3 shilde kúni onyń óz-ózine qol jumsaǵany týraly sýyq habar estigen. Alaıda sińlisiniń aıtýynsha, sol túni Dınaranyń ózi anasyna kúıeýi urǵanyn aıtyp, alyp ketýin ótinip habarlasqan.

“2 shilde kúni olardyń otbasynda qatty urys-keris bolǵan. Jezdem ápkemdi urǵan. Sosyn ápkem polıııa shaqyrtqan. Negizi Dınara quqyq qorǵaýshylarǵa urǵany týraly aıtqan. Alaıda polıeıler “kúıeýiń ǵoı, tatýlasyp ketesińder, aryzdy boqtady dep jaz” dep ápkemdi kóndirgen. Sonymen ápkem “boqtady” dep aryz qaldyrǵan. Al negizinde urǵan. О́ıtkeni Dınara sol kúni túnde anamyzǵa habarlasqan. Ursysyp qalǵandaryn, kúıeýi urǵanyn aıtqan. Bir betin túgel qulaǵamen kógertip tastaǵan, moıynynan qylqyndyrǵanyn jetkizgen. Jylap “boldy ajyrasamyn! Alyp ketińizdershi!” degen. Al arǵy jaǵynan kúıeýiniń “qoı dedim ǵoı saǵan Dınara” dep aıǵaılap jatqan daýysy shyqqan.

Sosyn anamyz “alyp ketemiz, ajyrassań ajyras” degen ǵoı… Alaıda osy habarlamadan soń anamyz qaıta ápkemmen baılanysa almady. Jezdemniń de, ápkemniń de telefondary óship turdy. Sóıtip anamyz ertesine baryp ápkemdi alyp kelemiz degenshe ol ómirden ótip ketti.

Bir qyzyǵy marqum ápkem sol túni saǵat 1:30-da maǵan WhatsArp arqyly psıhologııalyq jáne narkologııalyq esepte turmaǵany týraly anyqtamany jiberip qoıypty. Muny tańerteń oıanǵanymda kórdim. Ne úshin jibergenin áli túsine alar emespin. Bekerden-beker jibermeıdi ǵoı. Birdeńeni dáleldeısińder degen nıeti boldy ma eken?”, – dedi boıjetken.

“Qylqyndyryp óltirip qoıyp, ápkemniń ózine jaba saldy ma dep kúdiktenemiz”

 Dınaranyń otbasy kúdikti jaıttardyń kóp ekenin alǵa tartty.

“Ápkemniń ólimi týraly tańerteń 9-10-dar shamasynda belgili bolǵan. Alaıda bizge olar úsh-tórt shamasynda estirtti. Arasynda qansha saǵat ótip ketti. Anamyz Qaraǵandyǵa jetken kezde ápkemniń denesin máıithanaǵa ózderi aparyp tastaǵan. Úıinde kilemderin jınap barlyǵyn rettep otyr eken. Ápkemniń denesin de kórdik. Kógergen soqqynyń izderi turdy.

Jezdem ne bolǵanyn aıtpaı otyr. Biraq tańerteń de janjaldyń bolǵany anyq. Sebebi jezdem keıin jumysqa ketip qaldym depti. Úıinde qaıyn inisi bolǵan. Ol uıyqtap jatqan kezde balalardyń jylaǵan daýysynan oıanǵan. Qarasa ápkem asylyp qalǵan. Bizge kameralardy da kórý kerek. Shynymen jezdem úıinen ketip qalǵan ba álde joq pa, belgisiz. Aldymyzǵa kelip keshirim de suramady. Ony tergeýge suraq alýǵa shaqyrýy kerek edi. Biraq ol Saryaǵashta taırańdap júr.

Dınara jezdemniń minezi qyzýqandy ekenin, qatty ashýlansa uryp tastaıtynyn aıtyp júrdi. Solaı qylqyndyryp óltirip qoıyp, keıin ápkemniń ózine jaba saldy ma dep kúdiktenip otyrmyz. О́ıtkeni tipti ata-enesi telefondaryn almaı otyr. Anam nemerelerin kórgisi keledi. Biraq bizben baılanysqa shyqpaıdy. Solaı ózderi qashyp, ózderi kúdik týdyryp otyr”, – dep qosty ol.

Foto: Sýrette Dınara/Ásel Turdyqulovanyń jeke arhıvi

“Rezıdentýraǵa tapsyramyn, oqımyn, jumys isteımin dep júrgen adamnyń ómirden túńilýi múmkin emes”

Dınara buǵan deıin kúıeýiniń kúsh qoldanatynyn qurbylaryna da birneshe ret aıtqan. Muny olar da rastap otyr eken. Alaıda eshqashan óz-ózine qol jumsaıtyndaı jaǵdaıda júrmegen. Ásel onyń arman-maqsattary kóp bolǵanyn alǵa tartty.

“30-ǵa da tolmaı ómirden ótip ketti. Al bylaı eshqashan aýzynan “ómir súrgim kelmeıdi” degen sóz shyqqan emes. Tek ajyrasqysy keletinin aıtatyn. Ol rezıdentýraǵa tapsyramyn, oqımyn, jumys isteımin dep aıtyp júretin. Kishkentaı balasy júretin bolǵasyn osyndaı josparlaryn iske asyrǵysy kelip júr edi.

Soǵan qaramastan onyń óz-óziniń ómirin qııýy qısynǵa kelmeıdi. Ákemiz de oqıǵa ornyn baryp kórip keldi. Dınara asylyp qaldy degen jer Qaraǵandydaǵy jańa turǵyn úılerdiń jýynatyn bólmesindegi kishkentaı ǵana temir eken. Ol jer tipti adam asylatyndaı jaǵdaıǵa kelmeıdi. Qazir medıınalyq saraptamaǵa berip qoıdyq. Qorytyndysyn kútip otyrmyz. Aryzdy 105-bap boıynsha “óz-ózine qol jumsaýǵa ıtermeledi” dep jazdyq. Alaıda qazir is durys qozǵalmaı jatyr. Tergeýshiniń de aýysyp ketkenin baıqadyq. Biz ádildik izdeımiz”, – dep qorytty marqumnyń sińlisi.

Stan.kz tilshisi bul iske baılanysty aryz jazylǵan Qaraǵandy qalasynyń polıııa departamentinen pikir surady.

“D.Mińbaevanyń qaıtys bolý faktisi boıynsha qylmystyq is qozǵaldy. Qylmystyq is aıasynda qajet saraptamalar taǵaıyndaldy. Onyń nátıjeleri tergeý úshin mańyzdy. Qazir tergeý amaldary tolyq kólemde júrgizilip jatyr. Barlyq mán-jaıdy anyqtaýǵa baǵyttalǵan. Oqıǵany tolyqqandy jáne obektıvti tergeý úshin kýágerlerden jaýap alynyp jatyr.

Tergeý múddesi úshin ózge aqparat jarııa etilmeıdi. Qoǵamnyń durys habardar bolýyn qamtamasyz etý maqsatynda tergeý barysy týraly qosymsha málimetter keıinirek, tergeýge nuqsan keltirmeıtindeı jaǵdaıda beriledi”, – dedi polıııa departamenti.