جاڭالىقتار
تۇنگى كلۋبقا بارىپ جۇمىسىنان ايرىلعان مۇعالىمدەر, سوتتا جەڭىلىپ قالدى
فوتو: inbusiness.kz
قىزىلوردالىق ەكى مۇعالىم مەكتەپ ديرەكتورىنا «قىسىمممەن جۇمىستان شىعاردى» دەپ ارىز جازىپ, سوت پروتسەسىندە جەڭىلىپ قالدى, دەپ حابارلايدى qandastar.kz سايتى.
ەسكە سالساق, بىلتىر قىزىلوردالىق ەكى مۇعالىمنىڭ ستامبۋلداعى تۇنگى كلۋبتا ترانسۆەستيتتەر شوۋىندا جۇرگەن ۆيدەوسى جەلىدە تاراپ كەتتى. ودان سوڭ ەكى مۇعالىم جەلىدەگى جۇرتتىڭ جانە ءبىلىم سالاسى باسشىلارىنىڭ سىنىنا قالىپ, كەيىن جۇمىستان ءوز ەركىمەن كەتكەنى حابارلانعان.
قىزىلوردا وبلىستىق سوتىنىڭ مالىمەتىنشە, جاۋاپكەردىڭ ارەكەتىنەن تالاپ قويۋشىلارعا قانداي دا ءبىر زيان كەلگەنى انىقتالماعان. سونداي-اق ولار مەكتەپ باسشىسى قىسىم جاساعانىن, ودان جان ازابىن تارتقانىن راستايتىن دالەل ۇسىنا الماعان.
ەندىگى كەزەكتە ولار اپەللياتسيا القاسىنا شاعىم جازاتىنىن ايتتى.
