تۇراقتاندىرۋ قورىنداعى ازىق-ت ۇلىك جارمەڭكەلەردە ساتىلىپ جاتىر

فوتو: اشىق دەرەككوز

تۇراقتاندىرۋ قورىنداعى ازىق-ت ۇلىك جارمەڭكەلەردە ساتىلا باستادى, دەپ جازدى qandastar.kz

وتكەن دەمالىس كۇندەرى وڭىرلەردە 20-دان استام ازىق-ت ۇلىك ونىمدەرىنىڭ جارمەڭكەسى ءوتتى. جارمەڭكەلەردە جالپى كولەمى 1 600 توننادان استام تاعام ساۋدالاندى.

وتكەن اپتاداعى جارمەڭكەلەردىڭ ەرەكشەلىگى – بىرنەشە وڭىردە تۇراقتاندىرۋ قورىنداعى ونىمدەر جارمەڭكەلەردە ساتىلدى. مىسالى اباي وبلىسىندا تۇراقتاندىرۋ قورىنداعى 5 توننا كارتوپ,ءسابىز, پياز بەن ورامجاپىراق جارمەڭكەدە كەلىسى 115 تەڭگەدەن ساتىلدى. اقتوبەدە تۇراقتاندىرۋ قورىنداعى كارتوپ (2,8ت) 116 تەڭگەدەن, پياز (1,9ت) 170 تەڭگەدەن, ورامجاپىراق 160 تەڭگەدەن, ءسابىز 110 تەڭگەدەن(1-1 توننادان), قانت 350 تەڭگەدەن (200 كگ) ساتىلعان. ال قوستانايدا وتكەن جارمەڭكەلەرگە تۇراقتاندىرۋ قورىنان 11 توننا ءونىم شىعارىلسا, ونىڭ 8 تونناسى ساتىلعان.