Turaqty túrde tósektes bolǵan: Qaıyn atasy kelinin zorlap, bir bala tapqyzǵan

Qyrǵyzstan Respýblıkasynyń ombýdsmeni Djamılıa Djamanbaeva 20 jastaǵy jas áıelmen kezdesti. Jábirlenýshi áıeldi qaıyn atasy zorlaǵan, dep habarlaıdy Qandastar.kz saıty Skifnews.kz aqparat portalyna silteme jasap.

Ombýdsmenniń málimetinshe, áıel alǵash ret zorlyqqa ushyraǵanyn 2024 jyly úılengennen keıin baıandaǵan. Er adam oǵan pyshaqpen qaýip tóndirgen.

«Zorlyq áreketteri bir jyl boıy júıeli túrde qaıtalanǵan. Al kúıeýiniń anasy (ógeı) bul jaǵdaıǵa kóz juma qarap, eshqandaı shara qoldanbaǵan. Kelini júkti bolyp, sáýirdiń 11-inde bosanǵan, biraq aýrýhanadan shyqqannan keıin 15 kún ótpeı, qaıyn atasy qaıtadan zorlyq pen qoqan-loqy arqyly oǵan shabýyl jasaǵan. Jábirlenýshi bul týraly kúıeýine tek mamyr aıynda aıtqan. Jigit bolǵan jaǵdaıdy bilgen soń ákesimen sózge kelgen, alaıda 51 jastaǵy I.E. balasyn uryp-soqqan. Budan keıin qaıyn atasy olardy 10 kúndik dala jumystaryna jibergen. Al jas jup keıin Ystyqkól aımaǵyna qashyp ketken. Biraq bala qaıyn atasynyń qolynda qalǵan», – delingen habarlamada.

Ystyqkólde azamattardyń kómegimen jas jup Qarakól qalasynyń polıııa bólimine ótinish bildirgen. Olar keıin Bishkektegi Lenın aýdandyq ishki ister bólimine jiberilgen. Zorlyq týraly ótinishti olar shilde aıynyń sońynda jazǵan.

Polıııa Qyrǵyz Respýblıkasy Qylmystyq kodeksiniń 154-baby («Zorlaý») boıynsha qylmystyq is qozǵaǵan. Kúdikti 16 tamyzda ustalǵan.

Jas juptyń aıtýynsha, olar balasyn otbasynyń qolynan alý úshin daǵdarys ortalyǵyna júgingen. Ortalyq qyzmetkerleri balanyń óte álsiregenin anyqtap, onyń jylaýǵa da shamasy kelmegenin atap ótken. Bala jedel túrde aýrýhanaǵa jetkizilip, jansaqtaý bólimshesine jatqyzylǵan. Alaıda bala kóp uzamaı kóz jumǵan. Bala ólimi boıynsha sot-medıınalyq saraptama taǵaıyndalǵan, biraq qazir nátıjeler áli alynǵan joq.

Akyıkatshy ınstıtýtynyń habarlaýynsha, Djamılıa Djamanbaeva jas jupqa tegin zańdyq, psıhologııalyq jáne medıınalyq kómek kórsetý úshin tıisti organdarǵa resmı hat joldaǵan.

Akyıkatshy ýákiletti memlekettik organdardan zardap shekken adamnyń quqyqtary men qaýipsizdigin qamtamasyz etýdi, sondaı-aq isti tolyq ári obektıvti tekserýdi talap etedi.