«تۇرعىندار ءوز اقشاسىنىڭ قايدا جۇمسالعانىن ءبىلۋى ءتيىس»: جسدپ جىلۋ جۇيەسىنىڭ ساپاسىن سىنعا الدى

فوتو: اشىق دەرەككوز

جالپىۇلتتىق سوتسيال-دەموكراتيالىق پارتياسى جىلۋ تاريفتەرى جۇيەسىن قايتا قاراۋدى ۇسىندى.
جسدپ استانالىق فيليالى ۇيىمداستىرعان دوڭگەلەك ۇستەلدە جىلۋمەن قامتۋ سالاسىنداعى وزەكتى ماسەلەلەر – تاريف پەن ساپا اراسىنداعى الشاقتىق, ينۆەستيتسيالىق قاراجاتتىڭ ماقساتسىز جۇمسالۋى جانە جۇيەدەگى جاۋاپكەرشىلىك شەكاراسىنىڭ ب ۇلىڭعىرلىعى كەڭىنەن تالقىلاندى, دەپ جازدى qandastar.kz

ەنەرگەتيك-ساراپشى يۋري ستراحوۆتىڭ ايتۋىنشا, ءتاريفتىڭ جىل سايىن وسۋىنە قاراماستان, جۇيە ساپاسى ايتارلىقتاي جاقسارماي وتىر.

«ينۆەستيتسيالىق باعدارلاما دەگەن جەلەۋمەن جينالعان قارجى جاڭا جابدىقتارعا ەمەس, كەڭسە م ۇلىكتەرىنە جۇمسالۋدا. بۇل – اشىق ادىلەتسىزدىك», – دەدى ول.

ماماندار تۇتىنۋشىنى تەك تولەۋشى عانا ەمەس, جۇيەنىڭ ۇلەسكەرىنە اينالدىرۋدى ۇسىندى. ياعني, ينۆەستيتسيا رەتىندە جينالعان قارجىعا سايكەس تۇرعىندارعا اكتسيا بەرۋ ادىلەتتى شەشىم بولاتىنى ايتىلدى. بۇرىن بۇل ۇسىنىس پاۆلوداردا كوتەرىلگەنىمەن, مونوپوليست كومپانيالار قارسىلىق تانىتقان.

جيىندا جىلىتۋ جۇيەسىندەگى جاۋاپكەرشىلىك تۋرالى ءسوز قوزعالدى. جسدپ استانالىق فيليالىنىڭ توراعاسى تالعات وماروۆتىڭ ايتۋىنشا, جىلۋ الماستىرعىشتان كەيىنگى جابدىقتارعا (قۇبىر, ناسوس, ت.ب.) ميب نەمەسە باسقارۋشى كومپانيالار جاۋاپتى.

«قر اك 487-بابىندا تۇتىنۋشىعا جىلۋ بولمەدەگى باتارەياعا دەيىن جەتكىزىلۋى ءتيىس دەپ كورسەتىلگەن. الايدا ءىس جۇزىندە جىلۋ الماستىرعىش پۋنكتى مەن ءۇي ىشىندەگى تاراتۋ جۇيەلەرى ميب (م ۇلىك يەلەرى بىرلەستىگى) نەمەسە باسقارۋشى كومپانيانىڭ قۇزىرىندا بولىپ وتىر. تۇرعىندار جۇيەنىڭ قاي بولىگىنە كىم جاۋاپتى ەكەنىن بىلمەي جاتادى. بۇل قىزمەت كورسەتۋشىلەردىڭ نەگىزسىز تالاپ قويۋىنا اكەلىپ سوعادى. جاۋاپكەرشىلىك ناقتى ءبولىنۋى ءتيىس, تۇتىنۋشى ءوز اقشاسىنىڭ قايدا جۇمسالىپ جاتقانىن ءبىلۋى كەرەك», – دەدى ت.وماروۆ.
جسدپ استانالىق فيليالىنىڭ ءباسپاسوز قىزمەتى