«Turǵyndar óz aqshasynyń qaıda jumsalǵanyn bilýi tıis»: JSDP jylý júıesiniń sapasyn synǵa aldy

Foto: ashyq derekkóz

Jalpyulttyq soıal-demokratııalyq partııasy jylý tarıfteri júıesin qaıta qaraýdy usyndy.
JSDP Astanalyq fılıaly uıymdastyrǵan dóńgelek ústelde jylýmen qamtý salasyndaǵy ózekti máseleler – tarıf pen sapa arasyndaǵy alshaqtyq, ınvestıııalyq qarajattyń maqsatsyz jumsalýy jáne júıedegi jaýapkershilik shekarasynyń bulyńǵyrlyǵy keńinen talqylandy, dep jazdy qandastar.kz

Energetık-sarapshy Iýrıı Strahovtyń aıtýynsha, tarıftiń jyl saıyn ósýine qaramastan, júıe sapasy aıtarlyqtaı jaqsarmaı otyr.

«Investıııalyq baǵdarlama degen jeleýmen jınalǵan qarjy jańa jabdyqtarǵa emes, keńse múlikterine jumsalýda. Bul – ashyq ádiletsizdik», – dedi ol.

Mamandar tutynýshyny tek tóleýshi ǵana emes, júıeniń úleskerine aınaldyrýdy usyndy. Iaǵnı, ınvestıııa retinde jınalǵan qarjyǵa sáıkes turǵyndarǵa akııa berý ádiletti sheshim bolatyny aıtyldy. Buryn bul usynys Pavlodarda kóterilgenimen, monopolıst kompanııalar qarsylyq tanytqan.

Jıynda jylytý júıesindegi jaýapkershilik týraly sóz qozǵaldy. JSDP Astanalyq fılıalynyń tóraǵasy Talǵat Omarovtyń aıtýynsha, jylý almastyrǵyshtan keıingi jabdyqtarǵa (qubyr, nasos, t.b.) MIB nemese basqarýshy kompanııalar jaýapty.

«QR AK 487-babynda tutynýshyǵa jylý bólmedegi batareıaǵa deıin jetkizilýi tıis dep kórsetilgen. Alaıda is júzinde jylý almastyrǵysh pýnkti men úı ishindegi taratý júıeleri MIB (Múlik ıeleri birlestigi) nemese basqarýshy kompanııanyń quzyrynda bolyp otyr. Turǵyndar júıeniń qaı bóligine kim jaýapty ekenin bilmeı jatady. Bul qyzmet kórsetýshilerdiń negizsiz talap qoıýyna ákelip soǵady. Jaýapkershilik naqty bólinýi tıis, tutynýshy óz aqshasynyń qaıda jumsalyp jatqanyn bilýi kerek», – dedi T.Omarov.
JSDP Astanalyq fılıalynyń baspasóz qyzmeti