Túrǵyndarǵa járdemdesken: Astanadaǵy Ulandyq sarbazǵa jeńildik jasaldy

Foto: Ulttyq ulannyń baspasóz qyzmeti

Ulandyq sarbaz erekshe qamqorlyǵymen kózge tústi, dep jazdy qandastar.kz

IIM Ulttyq ulan baspasóz qyzmetiniń málimetinshe, 5573 áskerı bóliminde Otan aldyndaǵy boryshyn ótep júrgen jas sarbaz, qatardaǵy Ańsar Jantas Ujymdyq qaýipsizdik týraly shart uıymynyń sammıti kezinde qala kósheleriniń birinde qyzmette júrip, halyqqa qol ushyn sozǵan. Taıǵaq jerde azamattardyń qulap qalmaýy, jaraqattanbaýy úshin ol árqaısysyna kómektesip turǵan.

«Sammıt kezinde kúsheıtilgen rejımde qyzmet atqardyq. Sol kezde balalar, qart kisilerdiń taıǵaq jerden áreń ótip jatqandaryn baıqap qaldym. Ásirese balalar, áıel kisiler men qart kisilerdi qoldaý artyq bolmas dedim. Eki kún qatarynan sol jerde qyzmette turyp, turǵyndarǵa kómektestim. Meniń ornymda bolǵan ár azamat dál osylaı jasaıtyn edi dep oılaımyn», — dedi Ańsar Jantas.

Osylaısha eki kún qyzmetinde shamamen 300-deı azamatqa kómegin tıgizgen sarbaz áleýmettik jelide juldyzǵa aınaldy.

Halyqtyń erekshe iltıpatyna bólengen sarbazǵa QR Ishki ister mınıstriniń orynbasary – Ulttyq ulan Bas qolbasshysy general-maıor Ańsaǵan Baltabekov 10 kún demalys berilgenin jarııalady.